ТУҒАН ЕЛГЕ ТАҒЗЫМ

Ы.Алтынсарин атындағы №65 мектеп-гимназияда "Туған елге тағзым" атты іс-шара өтті. Мектеп, ата-ана, қоғам арасындағы байланысты нығайтуға бағытталған шарада мектеп оқушылары  еліміздің дамуы мен өркендеуіне арнаған өздерінің зерттеу жұмыстары мен ғылыми жобаларын қонақтарға таныстырды.  

Ұлттық қолөнер бұйымдарының көрмесінде оқушылар өз жұмыстарының жасалу жолдарын шебер сағатта жасап көрсетті. Тұрмыстық және киім бұйымдары, саз балшықтан жасалған ерекше ыдыстар, табиғи материалдан жасалған сапалы заттар –  кереметтей туған елге арнаған сыйлықтар мен құнды естелікке таптырмас бұйымдар ата-аналардың назарына ұсынды.

Іс-шараның негізгі бөлімі «Туған елге тағзым» іс-әрекетті зерттеу бағытындағы өлкетанулық экспедиция жұмысын көрсеткен сахналық қойылыммен басталды. Туған өлкені танып білуге, оқушылардың бойында туған елдің ерекшелігі мен оның қыр-сырын білуге деген патриоттық сезімді арттыруға бағытталған қойылым желісімен оқушылар ұлы тұлғаларымыз Абай Құананбайұлы, Ыбырай Алтынсарин, Ахмет Байтұрсыновпен тілдесті. Өз өнерлерін арнап көпшіліктің көңілінен шықты.  

Іс-шарамыздың қадірлі қонақтары мен ұлағатты ардагер ұстаздарымызға, ата-аналар комитетінің төрайымдарына, мектебіміздің қамқоршылық кеңесінің мүшелеріне алғыс айтамыз!