"ОҚУҒА ҚҰШТАР МЕКТЕП" ЖОБАСЫ

"Оқуға құштар мектеп" жобасы аясында Ы. Алтынсарин атындағы №65 мектеп-гимназияда 7-сынып оқушылары арасында "Ең оқырман сынып" мектепішілік байқауы басталды.

Мақсаты - оқушылардың кітап оқуға деген қызығушылықтарын қалыптастыру, кітап оқуға ынтасын арттыру, көпшілік алдында өз ойын еркін жеткізуге, тіл байлығын арттыруға ықпал ету.

Әр сыныптың оқушылары мектеп кітапханасына келген жаңа кітаптармен, кітаптың авторымен танысып, қатысушы  сыныптың оқушылары бір-біріне   кітаптың мазмұнын таныстырады.

"Ең оқырман сынып" мектепішілік байқауы 7 қараша мен 12 қараша аралығында жүретін болады. Аптаның соңында жеңімпаз сыныпты анықтайтын боламыз.