Сапалы білім беру - жарқын болашақ кепілі" тақырыбында алғаш рет қалалық дебат турнирі өтті.

Ағымдағы жылдың 26 қараша күні Шымкент қаласы білім басқармасы "Қосымша білім беру оқу салалық орталығының" ұйымдастыруымен мектеп директорларының тәрбие ісі жөніндегі орынбасарлары арасында "Сапалы білім беру - жарқын болашақ кепілі" тақырыбында алғаш рет қалалық дебат турнирі өтті. М.Менделеев атындағы №15 мектеп-лицейінің базасында ұйымдастырылған пікірсайысқа қаламыздағы 4 ауданның білім басқармасына қарасты 64 білім беру мекемесінен 32 фракция қатысты. Іс-шараның мақсаты - "Білімді ұлт: сапалы білім беру" ұлттық жобасын іске асыру, білім беру ұйымдарында пікірсайыс қозғалысын дамыту, кеңінен насихаттау. Өте қызықты әрі тартысты өткен дебат турниріне Ы.Алтынсарин атындағы №65 мектеп-гимназияның директордың тәрбие ісі жөніндегі орынбасары Утебаева Динара Калмуратовна  "Жеңіс" фракциясының лидері ретінде қатысып, "Үздік кейс" номинациялы дипломмен марапатталалып, тәрбие мен оқыту саласындағы абыройлы да игілікті еңбегі, кәсіби шеберлігі  үшін Шымкент қаласының білім басқармасы "Қосымша білім беру оқу салалық орталығының" АЛҒЫС ХАТЫ табысталды.