АКАДЕМИЯЛЫҚ АДАЛДЫҚ ДЕГЕНІМІЗ НЕ?

Бүгінде мектептер де, оқушылар да қорытынды емтиханды тапсыруға дайындалып жатыр. Бұл – барлығына қажетті аттестация. Алайда бір маңызды мәселені ескерген жөн, тапсырылған жұмысты өздігінше орындау жауапкершілігін түсініңіз.

Академиялық адалдық – бұл шындық, сенім, құрмет, әділдік және жауапкершілік қағидаттарын сақтау. Бұл қағидаттарды ешкім қадағаламаған және бақыламаған кезде де ұстану керек. Бұл әрбір мектеп оқушылары мен педагогтерге өз қызметінде салмақты моральдық және этикалық шешімдер қабылдауға көмектесетін өзінің академиялық ережелері мен адалдық нормаларын белгілейді. 

АКАДЕМИЯЛЫҚ АДАЛДЫҚ- оқушының оқу барысында және бағалауда адалдығын дамытатын құндылықтар мен ережелер жиынтығы.

АКАДЕМИЯЛЫҚ АДАЛДЫҚ НЕ ҮШІН ҚАЖЕТ?

* Сапалы білім мен дағдыларды қалыптастыру

* Этикалық өмір қағидаларын орнату

* Уақытты басқару, ұйымдастыру мен нәтижелілікке үйрету

* Адал азаматтарды тәрбиелеу.

АКАДЕМИЯЛЫҚ АДАЛДЫҚТЫҢ ТҮРЛЕРІ

* Адалдық – бағаланатын және бағаланбайтын жұмыстарды шынайы, лайықты түрде орындау. 

* Авторлық құқықты қорғау –ақпараттың авторы мен  алынған жерін көрсету.

* Ашықтық –педагог қызметкерлер мен оқушылар арасындағы идея мен ақпаратты ашық түрде алмасу. 

* Теңдік – ережеге сай міндетті болу және құқықты  бұзғаны үшін жауапкершілікті сезіну.

СІЗ АДАЛ ОҚУШЫ РЕТІНДЕ - 

* Кез келген бағалау жұмыстары кезінде тәртіпті сақтаңыз.

* Әр тапсырманың  ережесі мен нұсқаулығымен танысуға міндеттісіз.

* Бағаланатын жұмыстың кешігіп орындалуы жағдайында ақпарат уақытылы берілуі қажет.

* Өз ойыңыз бен идеяңызды  ашық айтып, еркін сөйлеңіз.

* Өткізіп қойылған бағаланатын жұмыс қайта өткізілмеуі тиіс.

* Бағаланатын топтық емес жұмыс екі немесе одан да көп тұлғалар арқылы орындалмауы керек.

* Бағаланатын жұмыстың орындалмауы жағдайында жалған ақпарат бермеңіз.

* Тапсырылған жұмысты өздігінше орындау жауапкершілігін түсініңіз.

* Тапсырманы орындау барысында өзіңізге неге рұқсат етілгеніне сенімсіз болсаңыз, мұғалімнен түсінбеген тұстарды түсіндіруін сұрағаныңыз жөн.

СІЗ ӘРҚАШАН…

* Белгілі бір ақпараттың авторы мен пайдаланылған әдебиеттер тізімін көрсетіңіз.

* Бағаны, жеке мәліметтерді және бағаланатын жұмыстарды бұрмаламаңыз.

* Бағаланатын жұмыстың жауаптарын әділетсіз жолмен иемденбеңіз.

* Бағаланатын жұмыс барысында басқа оқушыға саналы түрде көмектеспеңіз.

* Басқа оқушының сіздің жұмысыңызды көшіруіне мүмкіндік бермеңіз.

* Ақпараттар  мен жабдықтарды заңсыз пайдаланбаңыз.