Школа №65
Телефоны приемной:
8 (7252) 44-60-93
Версия для
слабовидящих
25
май
2021

ТӘУЕЛСІЗДІК ҰЛАНДАРЫ

  Алтын ұя мектеппен қоштасар сәттегі  «Соңғы  қоңырау»   мерекесіне Шымкент қаласы әкімінің бірінші орынбасары Мұқан Шыңғыс Жұмабекұлы Ы.Алтынсарин атындағы №65 мектеп-гимназияның салтанатты жиынына қатысты.
 Мектеп бітіруші түлектерді құттықтап, алтын ұядан ұшу сәттері  тарихи маңызы бар Ұлы даланың алып қоңырауы атанған  Ы.Алтынсариннің туғанына 180 жыл толуы мен  Қазақстан Республикасы Тәуелсіздігінің 30 жылдығымен тұспа-тұс келгенін атап өтті. Ы.Алтынсарин атындағы №65 мектеп-гимназияның 1991 жылы ашылғандығын, осы 30 жыл  ішіндегі ғылым әлемін бағындырған Халықаралық көлемде 146 оқушы, республикалық көлемде 115 оқушы биік-белестерден көрінгендігін, 176 оқушы  «Алтын белгі» иегері болғандығын айтып,   шәкірттердің жетістіктері мен  жеңістеріне тоқталып, биылғы жылы бітіруші түлектер саны - 229, оның ішінде «Алтын белгіге» үміткерлер – 17, «Үздік аттестатқа» үміткерлер саны -18 екендігін баса айтты.
  Ұстаздарды, ата-аналарды оқу жылының аяқталуымен құттықтап,   жақсылық пен ізгіліктің, парасаттылық пен руханиятқа толы ойдың, таным мен тәрбиелі істердің ордасы болған мектептен  ұлағатты істердің ұшқынын  бойына сіңіріп, тәлімімен сусындап өскен түлектердің  алдағы уақыттағы қадамдарына сәттi сапар тiледі.
Прокомментировать
Введите код с картинки:* Кликните на изображение чтобы обновить код, если он неразборчив