"Құқықтық сауаттылық" декадасы аясында

Тәрбие жұмысының жылдық жоспарына сәйкес «Құқықтық сауаттылық» декадасы аясында тарих кафедрасының ұйымдастыруымен «Бала бол, басқа бол – бәріне заң біреу - ақ» тақырыбында кездесу өтті. Іс-шараға 10 - сынып оқушылары қатысты. 

Іс шараның мақсаты - оқушыларға құқықтық білім беру, құқықтық тәрбие беру арқылы жастардың бойына заңға деген құрметін арттыру, ҚР Конституциясында көрсетілген Заңдарды құрметтейтін, құқықтар мен міндеттерін орындайтын, шыншыл, әділетті де парасатты тұлғаны қалыптастыру; оқушылардың ойлау, тыңдау, сөйлеу мәдениетін дамыту, қабілеттерін шыңдау. 

Кездесудің арнайы қонағы: Академик А.Қуатбеков атындағы Халықтар достығы университетінің “Құқықтану” кафедрасының аға оқытушысы Ешаев Нұрлан Давлетбаевич оқушылардың құқықтық сауаттылығын арттыра отырып, өз құқықтары мен міндеттерін жете түсінуге, өмірде құқықтық білімін дұрыс қолдануға, сонымен қатар өз тәжірибесімен бөлісе отырып, кәсіби бағыт-бағдар берді. Кәсіби маманға оқушылар көкейлеріндегі сұрақтарын қойып, тұшымды жауаптар алды.

Кездесу барысында оқушылар өздерінің неге құқылы екендіктерін және оларды кімдер, қалай қорғайтынын білді. Оқушылар бүгінгі кездесуден мол пайдалы ақпарат алды.

Б.Момышұлы атамыз «Азамат жолы-ар жолы» деп айтқандай, оқушыларымыз ешкімнің ала жібін аттамайтын, өз құқығы мен өзгенің құқығын бұзбайтын, Тәуелсіз еліміздің арқа сүйер айбынды азаматтары болсын дейміз!