АШЫҚ САБАҚТАР ШЕРУІ

«Ашық сабақтар шеруі» жобасының аясында Директордың бейін ісі жөніндегі орынбасары Сейтжапбарова Данна Сейдахметовна химия пәнінен үштілділік аясында 8-сыныппен «Chemical formula and calculations» тақырыбында ашық сабақ өтті. 

Сабақтың мақсаты: 

- be able to find mass percentage of elements in compounds

- be able to find formulas of compounds

Мұғалімнің «CLIL» әдісі арқылы тілді пән арқылы үйренуі сабақ барысында үйлесімін тапты. Теориялық білім мен практикалық білім ұштасып, бала бойындағы функционалдық сауаттылықты дамытуға арналған сараланған тапсырмалар беріліп, сабақ мақсатына толықтай жетті.

Директордың бейін ісі жөніндегі орынбасары, қазақ тілі және қазақ әдебиеті пәнінің мұғалімі Балтабекова Раушан Тұрсынбайқызы 5 «Г» сыныбына «Киім кию мәдениеті» тақырыбында ашық сабақ өтті.  Оқу бағдарламасына сәйкес оқу мақсаты: 

Жанрлық ерекшеліктеріне сай ресімделуі мен құрылымын сақтап, жарнама құрастырып жазу; 

Сөз ішіндегі және сөз аралығындағы ілгерінді, кейінді және тоғыспалы ықпал заңдылықтарына сәйкес айта білу. 

Білім алушылар сабақ мақсатына бағытталған тапсырмаларды түрлі белсенді әдіспен орындады. Жарнама жазудың нақты нұсқаулық қадамын көрсететін «AIDA жарнама  моделі»  әдісі оқушыларды оқудың ішінде белсенді ете отырып, сабақ мақсатына жеткізді.  Дескрипторға сүйене отырып, оқушылар бірін-бірі нақты, шынайы, обьективті бағалауға дағдыланғаны байқалды. Сабаққа енген әріптестер Раушан Тұрсынбайқызының тәжірибесінен үйренетіндері көп екенін айтып өтті. 

Директордың оқу ісі жөніндегі орынбасары Жуманова Жулдыз Илесовна 1- сынып  оқушыларымен "10 көлеміндегі сандарды ауызша қосу және азайту" тақырыбында математика пәнінен  ашық сабақ өтті. Сабақтың мақсаты онға дейінгі сандармен ауызша қосу және азайтуды орындау. Қосу және азайту амалдарына өрнектер құрап, өрнектерді академиялық тілде оқып бере алды. Мұғалім қолданған «Сен зерттеушісің ...», «Біліміңді толықтыр!», «Күн шуағын толықтыр!» әдіс-тәсілдері  1-сынып оқушыларын сабақтың мақсатына жетуіне септігін тигізе алды.