МАТЕМАТИКА - АҚЫЛ-ОЙДЫҢ ПАТШАСЫ

Он күндік аясында математика пәнінің мұғалімі Кошкарбаева Алима "Құрамында квадрат түбірі бар өрнектерді түрлендіру" тақырыбында 8 «Д» сынып оқушыларымен ашық сабақ өтті. Сабақ жоғары деңгейде заманау талапқа сай өтті. Ұстаз өз шеберлегімен танылса, оқушылар сабаққа қатысу белсенділігімен көзге түсті. 

Жоспарға сай жұмыстар 10-11 сынып оқушыларына арналған «Математикалық ринг» сайысымен жалғасын тапты. Сайысты  математика пәнінің мұғалімдері Сеитов Б.Ш, Кулымбетова А.Ш, Мырзанова А.А жоғары деңгейде ұйымдастырды. Қызықты әрі қиын сайыс үш кезеңнен тұрды. Топқа бөлінген оқушылар бірінші кезеңнің ережесіне сай есептер шығарып, дұрыс жауаптарына сай балдарын алды. Екінші кезеңдегі функционалдық сауаттылыққа қатысты тапсырманы оқушылар тиянақты орындап шықты. Топ аттарына қатысты презентацияны қорғау кезеңінде командалар қазылар алқасының назарын өздеріне талапқа сай жүйелі жұмыстарымен аударып, түсіндіріп, қорғады. Сайыстың үш кезеңінен сүрінбей өткен команда арнайы кинотеатрға баратын билетті ұтып алды. 

Керемет сайысты ұйымдастырған математика кафедрасына алғысымыз шексіз! Еңбектеріңіз жансын ардақты әріптестер!