Мектебімізде Ыбырай Алтынсариннің туылған күніне орай "Ұстаз салған сара жол" атты байқау өтті.

Оқушылардың Ыбырай өлеңдері арқылы білімдерін одан әрі дамыту, танымдық көзқарастарын нығайту, шығармашылық ізденістерін жетілдіру мақсатында "Ұстаз салған сара жол" атты байқау бастауыш сынып оқушылары үшін ұйымдастырылды.

 Ы.Алтынсариннің өнегелі өлеңдері мен әңгімелерінен үлгі алуға, еліне, халқына, ұлы тұлғаларға деген сүйіспеншілігін арттыруды көздеген сайыста оқушылар Алтынсарин өлеңдерін жатқа айтып, әңгімелерін сахналық қойылыммен көрсетті. Туындыдағы тәрбиелік мәнді көрермендерге ашып жеткізді.

Сахна мәдениетін сақтап, декарацияны қойылымға сай жасаған оқушылар актерлік шеберліктерімен қазылар алқасының назарын өздеріне аударды. Белгіленген критерийлерге сай қойылған балдармен жүйріктер анықталды. 

Оқушылардың ой - өрісін, дүниетанымын кеңейту, сөздік қорын молайту, жұрт алдында еркін ауыз екі сөйлеуге баулыған сайыс тартысты өтті. 

Ыбырай Алтынсариннің әңгімелері арқылы оқушыларды имандылыққа, адамгершілікке, еңбекқорлыққа тәрбиелеуге бағытталған сайысты ұйымдастырған бастауыш кафедрасының ұстаздарына алғыс айтамыз!