12
октябрь
2022
МЕКТЕПТЕГІ САБАҚТЫ ЗЕРТТЕУ ҮДЕРІСІ
Мектебімізде Шымкент қаласындағы Педагогикалық шеберлік орталығымен бірлескен жоспарға сәйкес «Мектептегі сабақты зерттеу үдерісі» тақырыбында коучинг өтті.
Педагогикалық шеберлік орталығының тренерлері Матаева Сауле Романовна мен Балтабекова Анар Турсынбаевна «Сабақты зерттеу» үдерісінің жүргізілуін қадам-қадаммен түсіндіріп, зерттеу тақырыбы мен зерттеу сұрақтарын бірлесе отырып анықтап берді.
Мектебімізде «Зерттеуші мектеп» жобасы аясында проблемалық оқыту (PBL) арқылы мұғалімдердің кәсіби құзіреттіліктерін арттырып, оқушылардың зерттеушілік, шығармашылық-зияткерлік дағдыларын дамыта отырып, білім сапасын арттыру» тақырыбында жұмыс істеу жоспраланған. Проблемалық оқыту - мәні проблемалық ситуация туғызу мен оқушылардың оқу проблемасын дербес шешулері бойынша іс-әрекеттерін басқару болып табылатын оқыту түрі. Проблемалық оқыту әдісі – оқушыларға пән мазмұнына байланысты дайын білімнің көшірмесін алуда үйрету емес, олардың ой-өрісін, логикалық ойлау қаблетін, шығармашылық әрекетін дамытуға негізделген. Зерттеу сұрағын тұжырымдау картасы бойынша мұғалімдерге жұмыс жасатып, мектептің зерттеу тақырыбымен байланыстыра талданды. Алдағы уақытта да Педагогикалық шеберлік орталығымен бірлескен зерттеулер жүргізу арқылы мұғалімдердің кәсіби біліктілігін дамыту жолында жұмыс атқарылатын болады.
Теги:
Ayazhan