«Эмоция және сезім» тақырыбында семинар-тренинг өтті.

Ы. Алтынсарин атындағы №65 мектеп-гимназияда педагогтардың кәсіби-эмоциялық құлдырау синдромының алдын алу мақсатында «Эмоция және сезім» тақырыбында семинар-тренинг өтті. 

Семинардың сергіту сәтінде “Менің аффирмациям” жаттығуы

ұйымдастырылды. Позитивті тұжырымдар-аффирмациялар жазылған карточкалар ұсынылды. Қатысушылар алған аффирмацияларын кезекпен дауыстап оқыды. Жаттығу аяқталғаннан соң қатысушылардан осы аффирмациялардан алған әсерлерінің қандай екендігі сұралды. 

Практикалық бөлімде педагогтер тобын шоғырландыруға, педагогтардың барлығындағы проблемалардың бірдей екендігін түсінуге мүмкіндік берді. «Бақыт калошы» жаттығуында  педагогтардың позитивті ойлауын дамыту, өзін-өзі тану дағдыларын және дүниені позитивті тану

дағдыларын қалыптастыру, эмоциялық өзін-өзі реттеудің дағдыларын дамыту жұмыстары жүрді. “Арт -терапия “ элементтері жасалды және мұғалімдер салған суреттерге талқылау жүргізілді. 

Соңында тілек шамына өз тілектерін айтып кері байланыспен семинар-тренингті аяқтады.

Пайдалы семинар-тренингті мектептің педагог-психологтары Айгүл Исламова мен Ақбота Қосыбай ұйымдастырды.