“Әлемдік ақпараттық білім беру кеңістігі - бәсекеге қабілетті ұстаз қолында” тақырыбында конференция өтті.

Конференцияда Мырзанова Айгул Аликуловна және Жайлыбаев Болатбек Наурызбайұлы өз зерттеу жұмыстарымен таныстырды.

Айгүл Аликуловна өзінің “Пәндік тапсырмаларды функционалдық сауаттылықты дамытуға арналған тапсырмаларға трансформациялау” тақырыбындағы зерттеу жұмысындағы ерекшеліктерді атап, сабақ барысында қолдану әдісімен бөлісті. Оқушыға берілетін тапсырмалар өмірдегі іс-әрекетпен ұштасатындығын, оқушы тақырыпты есте жақсы сақтап оны өмірде әжетіне жарата алатындығын жеткізді. Математикалық тапсырмалар құрылыс, ғимарат т.б. салалар бойынша мысалдармен түсіндіретінін, нәтижесінде оқушы тақырыпты еркін меңгеретіндігін айтты.

Болат Наурызбайлының “Оқушыларда функциялардың графигін түрлендіру дағдысын қалыптастыру” тақырыбындағы зерттеу жұмысында графиканың түрлі өзгерістерге ұшырағанда есте жақсы сақтау, түсіну жеңілдігі, түрлі түстермен ажырату мүмкіндігін қамтыған. ҰБТ тапсырмаларында есептерді қиналмай шығаруына мүмкіндік береді.

Ұстаздарымыз алдағы уақытта өздерінің зерттеу жұмыстарын дамытып авторлық жұмыс немесе әдістемелік нұсқаулық етіп шығаратындықтарын жеткізді.

Конференцияға қатысқан мұғалімдер таныстырылған жұмыстардан өздеріне қажетті, өзекті тұстарын түсініп алғандығын, өздерінің зерттеу жұмыстарында пайдаланатындықтарын айтып жұмыстарды талқылады.