“Ғылымға құштар жас өрен” тақырыбында зияткерлік сайыс.

Математика кафедрасының онкүндігінің жоспарына сай бүгін 8-9 сынып оқушыларынан және математика пәнінің мұғалімі емес, басқа пән мұғалімдерінен командалар құрылып, 

“Ғылымға құштар жас өрен” тақырыбында зияткерлік сайыс өтті.

Сайыстың мақсаты- оқушылар арасындағы және мұғалім мен оқушы арасындағы қарым-қатынасты жақсарта отырып,танымдық қабілеттерін арттыру. 

Сайыс 3 кезеңнен тұрды:

1-кезең “Ой дода” сайысы. Мұнда әр командаға 10 тапсырмадан берілді. Команда ақылдасып, 30 секундта жауап беру керек.

2-кезеңде  “Жорға” сайысы  болды. Мұнда әр команда әлем сұрақтары,логика,тарихқа байланысты 10,20,30,40,50 ұпайлық ұяшықтарға жауап берді.

3-кезең “Қызық екен” сайысында әр топқа 2 сұрақтан берілді.Ал сұрақтың жауабына өздері ұпай ұсынды.Сұрақтардың жауабы бейне түрінде көрсетілді.

Сайыстың нәтижесі бойынша “Бірлік” командасы 1-орын, топ басшысы дене шынықтыру пәнінің мұғалімі Мұхамедияр Ғазиз, “Жалын” командасы 2-орын, топ басшысы қазақ тілі пәні мұғалімі Қуандық Бисұлтан,  “Болашақ” командасы,топ басшысы ағылшын тілі пәні мұғалімі Әділхан Сандуғаш 3-орынды иеленді. 

Жеңімпаз топты құттықтаймыз!