25 ҚАЗАН - ҰЛТТЫҚ МЕРЕКЕ РЕСПУБЛИКА КҮНІМЕН ҚҰТТЫҚТАЙМЫЗ!

Республика күні - елдің мемлекет құру жолындағы тарихи қадамының символы. Осы күні 1990 жылдың 25 қазаны күні Қазақ КСР Жоғарғы Кеңесінің шешімімен "Қаз ССР-нің мемлекеттік егемендігі туралы" декларация қабылданды. 

Егеменді Қазақстан еңсесі биік, терезесі тең жеке мемлекет ретінде таныла бастады. Қабылданған декларация Қазақстанның болашақ тәуелсіздігінің іргетасы саналды.  Бұл акт арқылы әлем картасындағы жаңа мемлекет Қазақстан Республикасының негізі қаланды. Баршаңызды осынау айтулы мерекемен шын жүректен құттықтаймыз! 

Еркіндікке бастаған егемендік.

Шайқалып тас бұғаудың тас қамалы,

Еркіндік тоқсан бірден басталады.

Қазақтың таңы атып, тарих күліп,

Шырқалды азаттықтың асқақ әні.

Халқымның шын оянып асқақ ары,

Еркіндік тоқсан бірден басталады.

Қуанып, сүйіншілеп жас та, кәрі,

Тарихтың күлді сол жыл қас-қабағы.

Танытып барша әлемге қазақтығын,

Қалдырып тастады артқа азап мұңын.

Бұл жолда талай боздақ қанын төкті,

Күреспен келді маған азаттығым.

Жас ұрпақ сол күрестің жаттайды әнін,

Сезінбес рухымның татпай дәмін.

Аталдық күллі әлемге Қазақстан,

Желбіреп төбемізде көкбайрағым.

Халқымды шабыттарға бөледі ерлік,

Бұл жолға жігер-күшті төге келдік.

Бостандықтың жол салған биігіне

Жасасын мәңгілікке егемендік! 

Егемендігімз еңселі, Тәуелсіздігіміз тұғырлы болсын!