“Ағылшын тілі пәні бойынша оқушыларды олимпиадаға дайындау жолдары”

“Ағылшын тілі пәні бойынша оқушыларды олимпиадаға дайындау жолдары” тақырыбында №65 мектеп-гимназияның ағылшын тілі пәнінің білікті ұстазы, педагог-шебер Токбергенова Улбосын ағылшын тілі пәнінің мұғалімдеріне семинар сабақ өткізді. 

Олимпиадаға дайындаудың мақсаты: ғылымды насихаттау және оқушылардың ғылыми қызметке қызығушылығын дамыту, дарынды балаларды анықтау, оқушылардың ағылшын тілі пәніне деген қызығушылықтарын дамытып, мектеп бағдарламасына сәйкес күрделі жоғары тапсырмаларды орындауға дағдыландыру, оқушыларды өз бетімен белсенді жұмыс істеуге үйрету, ойлау қабілеттерін дамытып, шығармашылық деңгейлерін көтеру. 

Ағылшын тілінде олимпиадаға дайындау 4 дағдыға бойынша жүзеге асады: listening, speaking, reading and writing. Тыңдалым дағдысында кездесетін тапсырмалардың түрлері: сұраққа жауап беру, бос орындарды толтыру, қатені түзету. Айтылым дағдысында суретке қарап сипаттау, тақырыпқа қатысты өз ойын айту, кеспе қағаздар арқылы сұрақтарға жауап беру (monolugue and dialogue). Жазылым дағдысы ол эссе жазу болса, оқылым дағдысында мәтіннен алынған мәліметтермен сөйлемдерді толықтыру, сұрақтарға жауап беру тақырыпшаларды мәтінмен сәйкестендіру болып табылады.

Улбосын Тастанбековна оқушыларды олимпиадаға дайындау барысында тиімді әдістерді пайдалану мен жүйелі жұмыс жүргізу арқылы жетістікке жетуге болатынын атап өтті.