«Тең инклюзивті қарым-қатынасты орнатудағы мұғалім рөлі» тақырыбында шеберлік сабағын өткізді.

«Бала адаммен араласпайынша өмір сүре алмайды, өзінің бар жүрек жылуын басқа адамға беруді ұжданы талап етеді. Балаға ой еңбегінің шаттығын, табыс қуанышын беріңіздер».

(В. А. Сухомлинский)

Қазіргі таңда барлық әлем жұртшылығының назарын аударып отырған мәселе балалардың жеке сұраныстары мен ерекшеліктеріне ортаның, отбасының қатысуымен білім беру үрдісіне толық қосуды қарастыратын инклюзивті білім беру. 

Қазақ тілі мен әдебиеті кафедрасының онкүндік жоспарына сай Шаметова Нүркеш Пернебайқызы  «Тең инклюзивті  қарым-қатынасты  орнатудағы мұғалім  рөлі»  тақырыбында шеберлік сабағын өткізді. 

Шеберлік сабағына мектеп ұжымы қатысты. Инклюзивті білім берудің мақсатын қатысушыларға кеңінен түсіндіріп, өз тәжірибесімен бөлісті. Ерекше білім беру қажеттіліктері бар балаларды   бірнеше топтарға бөлуге болатынын айтты. 

ЕББҚ оқушыларға оқу мақсатына  сай  тапсырма дайындауда ескерілетін жайттарды түсіндірді.

Тең инклюзивті оқытуда  мұғалім  рөлі қандай?-  деген  сауал  қойып, мұғалімдер өз ойларын ортаға салып, өздерінің тәжірибелерімен де бөлісті. Инкюзивті білім беруде  мұғалімнің байқампаз, психолог, зерттеуші, тең оқуды қамтамасыз  ететін  ұйымдастырушы, қабілеті,денсаулығы өз деңгейіндегі  оқушыға, қабілеті төмен  оқушыға, ЕББҚ  оқушыға арналған  тапсырмалар негізінде   оқытуды жүргізетін, үлгерімі төмен балаға  қабілетін дамытуға болатынын  ұғынуға мүмкіндік   беруші ,   ЕББҚ  оқушыға ортада тең  сезінетіндей  жағдай  тудырушы, шыдамды,  сабырлы,  жан-жақты  ізденіп  жұмыс  жасау  керектігін атап берді.