Aрнайы медицина мамандарының қатысуымен профилактикалық кездесу ұйымдастырылды.

Жасөспірім қыздардың жеке бас гигиенасы, ерте жүктілік пен өзіне қол жұмсау мәселелерінің алдын алу, салауатты өмір салтын насихаттау мақсатында 10-11 сынып қыз балаларына арнайы медицина мамандарының қатысуымен профилактикалық кездесу ұйымдастырылды.  

Кездесу барысында келесі тақырыптар қамтылды:

 Жыныстық жетілу және оған әсер ететін факторлар;

 Алғашқы жыныстық жетілудің белгілері;

 Жеке бас гигиенасы, т.с.с.

 Ерте жыныстық қатынастың алдын алу;

 Жыныстық өмір тәрбиесі;

 Ерте жүктіліктің алдын алу, т.с.с.

Кездесуге арнайы шақыртылған мамандар:

1. Дәрігер – гинеколог және психолог Абдирова Кульпаш Ануарқызы;

2. №14 емдеу орталығының ЗОЖ дәрігері Алия Бекқұлқызы;

3. Дәрігер-гинеколог Жармухамбетова Ақмарал Үсенқызы.

«Қызды тәрбиелегенің – бір ұрпақты тәрбиелегенің» деген халқымыздың дана сөзі бар. Бұл сөздің астарында үлкен мәселе жатыр. Өйткені қыз болашақ ұрпақтың анасы. Ұрпағымыздың бойына ұлттық тәрбиені, имандылық қасиеттерді сіңірсек, халқының әдеп-салтын жақсы білетін, ата-анасын сыйлайтын, ел үшін еңбек ететін ұрпақ тәрбиелеген боламыз.

Қыз баланың ары мен абыройы, сыры мен сымбатын сақтауы, келешек өміріне даярлығы - қыз баланың болмысын биіктететін, оның тұлғалық ерекшеліктерін айқындайтын тәрбие мен ұлттық құндылықтар.  

Бүгінгі кездесудің де мақсаты осы: өскелең ұрпақтың бойына сапалы білім мен саналы тәрбиені сіңіру, болашақ жар, ана екендіктерін ұғындыру, салауатты өмір салтын ұстануды насихаттау, адам баласының өмірінде болатын әрбір кезеңнің өз орны, өз уақыты бар екенін ұғындыру. 

Дәрігер мамандардан өте пайдалы ақпараттар алған қыздарымыз алғыстарын білдірді.