29
ноябрь
2022
«65 Talks» зияткерлік жобасының кезекті жиыны
25 қараша күні өткен «65 Talks» зияткерлік жобасының кезекті жиынында 9-10-11 сынып оқушылары медиа сауаттылық тақырыбында үш тілде сөз қозғап, көрермендердің назарына өз ойлары мен идеяларын ұсынды.
2021 жылдың қыркүйек айында өз бастауын алған TEDх форматындағы жоба биылғы оқу жылында да дәстүрлі жалғасын тауып отыр. Аталмыш жобаның негізгі мақсаты - оқушылардың бойында ғылыми-зерттеу дағдыларын дамыту, үш тілде сөйлеу арқылы үштілділікті дамыту, түрлі дүниетанымдар мен идеяларға құрмет сезімін қалыптастыру, сыни ойлауға ықпал ету, сондай-ақ көпшілік алдында сөйлеу дағдыларын қалыптастыру.
Алдымен көрермендердің назарына осы жоба туралы жалпы түсінік беріп, жобаның мақсаты мен міндеттерін таныстырған жобаның координаторлары оқушыларды алдағы уақытта жобаға белсенді қатысуға, өздерінің шешендік, ораторлық қасиеттерін дамытуға, сахна мәдениетіне үйренуге және көпшілік алдында сөйлеу дағдыларын қалыптастыруға шақырды.
Бұл күнгі тәжірибелерімен бөлісіп, әдемі презентацияларымен ой толғаған спикерлер:
1. Қазақ тілінде 9 «А» сынып оқушысы Әбдіәшім Әмина Нуралиқызы «Спамнан сақтану» тақырыбы аясында қазіргі замандағы жаhандық әлемде үздіксіз жаңалықтар арасында тек қажетті, өзекті және сенімді ақпаратты қалай ажырата білу қажет екендігі туралы көрерменге сапалы ақпарат берді. Адамзатты басқа тіршілік иесінен ерекшелеп тұратын ақылы мен санасы десек, сол екеуінің ортақ жемісі – сөзге келіп түйіседі. «Ақпаратқа кім ие болса, сол әлемді билейді» деген қанатты сөздің бүгінгі шындыққа қаншалықты сай екеніне күнделікті өмірде көз жеткізіп келеміз. Ендеше осы тұрғыдан келгенде медиа сауаттылықты арттыру заманның басты талабы екені сөзсіз екенін түсіндірген Әмина өз сөзінде көрермендерге сұрақ қоя отырып байланыс орната білді және оларды қозғалған тақырып бойынша қызығушылықтарын арттыра білді.
2. Ағылшын тілінде 11 «Б» сынып оқушысы Тіленші Адия сөз сөйледі. Адия бізді қоршаған дижитал заманда ақпараттың қайдан, қандай мақсатпен шыққанын, қаншалықты сенімді екенін анықтау одан сайын қиындай түскенін атап айтты. Дегенмен, мойындағымыз келсе де, келмесе де, бұл бүгінгі күннің ең маңызды қабілеттерінің біріне айналды. Қоршаған ортаны енді танып-біліп, дүниетанымы қалыптасып келе жатқан, болашақта толығымен технология дәуірінде өмір сүретін балаларға бұл, тіпті өзекті. Медиа сауаттылықты адамдарды ақпараттан қорғау деп түсінуге әсте болмайды. Медиа сауаттылық анықтамаларында бірінші мән беретін нәрсе – адамның сыни ойлай білу қабілеті. Бұл шетінен барлығын сынау емес. Сыни ойлай білетін адам біржақты пікірден аулақ болады, кез-келген ақпаратты түрлі ракурстан талдай біледі. Кез-келген айтылған нәрсені сұраққа алып, шамасы келгенше талдай білетін адамның уақыт өте келе сыни ойлау қабілеті қалыптасады. Міне, осы машықты бойына сіңірген адам медиа сауаттылықтың негізін меңгерген және өзін қажетсіз ақпарат пен спамнан қорғауға қабілетті екенін айтты. Адия өз сөзін көрермендерге медиа сауаттылық маңызы жайлы сұрақ қою арқылы пысықтады.
3. Орыс тілінде 10 «Г» сынып оқушысы Акбар Сагида сөз алып, медиа сауаттылық туралы азаматтардың ақпаратқа талдау жасау дағдыларын жетілдірсек, олар өз беттерінше өздері тұтынатын ақпарат көздерінің сенімділігін саралай алатын болады және шынайы ақпаратқа сұранысты қалыптастыра алатындығын және насихат пен манипуляцияға қарсы тұруға қауқарлы болатындығын айтты. Алдарыңыздағы оқу құралына жүктелген негізгі міндеттердің бірі осы екенін көрсете білді.
Бүгінгі «65 Talks» жобасының жиыны мектеп оқушыларының жоғарыда аталған мәселелерге назарын аударуға бағытталып, ұшы-қиыры жоқ ғаламтор әлемінде әрбір адам мұқият және медиа сауатты болуы аса маңызды екенін ескертті.
Биылғы оқу жылында «65 Talks» жобасы айына бір рет шығып, қазіргі таңдағы өзекті мәселелерді қозғауға, олардың шешу жолдарын ұсынуға, сол арқылы оқушылардың сыни ойлау дағдысын қалыптастыруға бағытталады. Сонымен қатар үш тілде еркін сөйлеуге де үйрететін бұл жобаның оқушыларға тигізер оң әсері мол. «Айтуға тұрарлық идеялармен» оқушыларымыз бөлісіп, туындаған мәселелер бойынша шешу жолдарын ұсынуға дағдыланады.
2021 жылдың қыркүйек айында өз бастауын алған TEDх форматындағы жоба биылғы оқу жылында да дәстүрлі жалғасын тауып отыр. Аталмыш жобаның негізгі мақсаты - оқушылардың бойында ғылыми-зерттеу дағдыларын дамыту, үш тілде сөйлеу арқылы үштілділікті дамыту, түрлі дүниетанымдар мен идеяларға құрмет сезімін қалыптастыру, сыни ойлауға ықпал ету, сондай-ақ көпшілік алдында сөйлеу дағдыларын қалыптастыру.
Алдымен көрермендердің назарына осы жоба туралы жалпы түсінік беріп, жобаның мақсаты мен міндеттерін таныстырған жобаның координаторлары оқушыларды алдағы уақытта жобаға белсенді қатысуға, өздерінің шешендік, ораторлық қасиеттерін дамытуға, сахна мәдениетіне үйренуге және көпшілік алдында сөйлеу дағдыларын қалыптастыруға шақырды.
Бұл күнгі тәжірибелерімен бөлісіп, әдемі презентацияларымен ой толғаған спикерлер:
1. Қазақ тілінде 9 «А» сынып оқушысы Әбдіәшім Әмина Нуралиқызы «Спамнан сақтану» тақырыбы аясында қазіргі замандағы жаhандық әлемде үздіксіз жаңалықтар арасында тек қажетті, өзекті және сенімді ақпаратты қалай ажырата білу қажет екендігі туралы көрерменге сапалы ақпарат берді. Адамзатты басқа тіршілік иесінен ерекшелеп тұратын ақылы мен санасы десек, сол екеуінің ортақ жемісі – сөзге келіп түйіседі. «Ақпаратқа кім ие болса, сол әлемді билейді» деген қанатты сөздің бүгінгі шындыққа қаншалықты сай екеніне күнделікті өмірде көз жеткізіп келеміз. Ендеше осы тұрғыдан келгенде медиа сауаттылықты арттыру заманның басты талабы екені сөзсіз екенін түсіндірген Әмина өз сөзінде көрермендерге сұрақ қоя отырып байланыс орната білді және оларды қозғалған тақырып бойынша қызығушылықтарын арттыра білді.
2. Ағылшын тілінде 11 «Б» сынып оқушысы Тіленші Адия сөз сөйледі. Адия бізді қоршаған дижитал заманда ақпараттың қайдан, қандай мақсатпен шыққанын, қаншалықты сенімді екенін анықтау одан сайын қиындай түскенін атап айтты. Дегенмен, мойындағымыз келсе де, келмесе де, бұл бүгінгі күннің ең маңызды қабілеттерінің біріне айналды. Қоршаған ортаны енді танып-біліп, дүниетанымы қалыптасып келе жатқан, болашақта толығымен технология дәуірінде өмір сүретін балаларға бұл, тіпті өзекті. Медиа сауаттылықты адамдарды ақпараттан қорғау деп түсінуге әсте болмайды. Медиа сауаттылық анықтамаларында бірінші мән беретін нәрсе – адамның сыни ойлай білу қабілеті. Бұл шетінен барлығын сынау емес. Сыни ойлай білетін адам біржақты пікірден аулақ болады, кез-келген ақпаратты түрлі ракурстан талдай біледі. Кез-келген айтылған нәрсені сұраққа алып, шамасы келгенше талдай білетін адамның уақыт өте келе сыни ойлау қабілеті қалыптасады. Міне, осы машықты бойына сіңірген адам медиа сауаттылықтың негізін меңгерген және өзін қажетсіз ақпарат пен спамнан қорғауға қабілетті екенін айтты. Адия өз сөзін көрермендерге медиа сауаттылық маңызы жайлы сұрақ қою арқылы пысықтады.
3. Орыс тілінде 10 «Г» сынып оқушысы Акбар Сагида сөз алып, медиа сауаттылық туралы азаматтардың ақпаратқа талдау жасау дағдыларын жетілдірсек, олар өз беттерінше өздері тұтынатын ақпарат көздерінің сенімділігін саралай алатын болады және шынайы ақпаратқа сұранысты қалыптастыра алатындығын және насихат пен манипуляцияға қарсы тұруға қауқарлы болатындығын айтты. Алдарыңыздағы оқу құралына жүктелген негізгі міндеттердің бірі осы екенін көрсете білді.
Бүгінгі «65 Talks» жобасының жиыны мектеп оқушыларының жоғарыда аталған мәселелерге назарын аударуға бағытталып, ұшы-қиыры жоқ ғаламтор әлемінде әрбір адам мұқият және медиа сауатты болуы аса маңызды екенін ескертті.
Биылғы оқу жылында «65 Talks» жобасы айына бір рет шығып, қазіргі таңдағы өзекті мәселелерді қозғауға, олардың шешу жолдарын ұсынуға, сол арқылы оқушылардың сыни ойлау дағдысын қалыптастыруға бағытталады. Сонымен қатар үш тілде еркін сөйлеуге де үйрететін бұл жобаның оқушыларға тигізер оң әсері мол. «Айтуға тұрарлық идеялармен» оқушыларымыз бөлісіп, туындаған мәселелер бойынша шешу жолдарын ұсынуға дағдыланады.
Теги:
aya