01
сентябрь
2023
"Алғашқы қоңырау - 2023" салтанатты жиыны
Шымқаламыздың төрінде орын тепкен Ы.Алтынсарин атындағы №65-мектебіндегі білім күніне арналған "Алғашқы қоңырау - 2023" салтанатты жиыны ұлан - асыр тойға ұласты.
Білім мен өнерге сусап келген жүздеген шәкірттер , оларға құшақтарын айқара ашқан жүздері мейірімге толы ұстаздар , ата-аналар сағыныса қауышуда.
Жаңа 2023-2024 оқу жылы көңіл мен көзді қуантатын, армандарға жетелейтін жаңа бейнелі Қазақстанның өр қиялды ұландарын оқытып - тәрбиелейтін керемет жаңалықпен -жаңа оқу ғимаратының ашылуымен де ерекшеленіп отыр. Бұл – барша ұжым үшін жақсылықтың нышаны!
Салтанатты жиынға Білім басқармасының басшысы - Тажиева Жанат Арысбекқызы, «ЮгСтройСервис-Н» құрылыс компаниясының басшысы - Бикенов Арман Данабекұлы, «Өрлеу» біліктілікті арттыру ұлттық орталығы филиалының оқу бөлімінің бастығы - Керимбеков Мухтар Абенович, Қамқоршылық кеңесінің төрайымы - Қадірбаева Фарида Қырғызбайқызы, қамқоршылық кеңесінің мүшелері - Полатов Салыхан Сабирович, Сазынбек Руслан мырза, Ата-аналар комитетінің төрайымы - Сырбаева Айсұлу Закарияевна, Кәсіподақ заңгері - Маймакова Ұлжан Ғаппарқызы қадірлі қонақ болды.
«Жастық армандамаса, адам өмірі бір нүктеде қатып қалар еді, міне содан да жастық қиялының жарқ-жұрқ еткен қабығы ішінде ұлы-ұлы мұраттардың дәні көзден таса құпия өсіп-өніп шыққан ғой,»-деп Константин Ушинский айтқандай , білім ұясы жас шыбықтай шәкірттердің қиялы мен армандарына қанат бітіретін ғажап мекенге айналған іспетті.
Ізгіліктің істің игілігіне ықпал еткен қаламыздың атпал азаматтарына , әкімшілікке ата-аналар да,ұстаздар да, шәкірттер де алғыстарын жаудыруда.
ЖАҢА ОҚУ ЖЫЛЫ ЖАҢА ЖАҢҒЫРҒАН ОРДАДА ЖЕҢІСТЕРГЕ ТОЛЫ БОЛСЫН!



СУРЕТТЕР СІЛТЕМЕСІ