«МЕКТЕБІМ - МЕЙІРІМ МЕКЕНІ» САЛТАНАТТЫ ЖИЫНЫ ӨТТІ

Мектебімізде 2024 – 2025 оқу жылының алғашқы қоңырауы соғылып, «Мектебім -  мейірім мекені» тақырыбында салтанатты жиын өтті. 

Іс-шараға мектеп табалдырығын алғаш аттағалы тұрған 1-сынып оқушылары, ата-аналары, ардагер ұстаздар мен мектеп педагогтері қатысты. 

Салтанатты шараның мақсаты - жаңа оқу жылының салтанатты ашылуын ұйымдастыру және білім алушылардың білім алуға ұмтылысын, патриотизм, еңбекқорлық, жауапкершілік пен өзара сыйластық қасиеттерін қалыптастыруға ықпал ететін мерекелік және шабыттандыратын атмосфера құру.

Іс-шараның арнайы қонақтары:

- Шымкент қалалық Полиция департаменті бастығының 1-ші орынбасары,  полиция полковнигі Қарабаев Нұрлан Өсерханұлы

- Мектептің қамқоршылық кеңесінің төрайымы Қадірбаева Фарида Қырғызбайқызы

- Ата-аналар комитетінің төрайымы Сырбаева Айсұлу Закарияевна

Мерекелік жиын Ыбырай Алтынсарин және Қатира Қырғызбайқызының ескерткіштеріне гүл себеттерін қою рәсімінен бастау алды. 

Ұстаз бен шәкірттердің бейнесін сипаттайтын, жастардың бойында патриоттық рухты оятып, ұлттық құндылықтарды дәріптейтін сахналық көрініс іс-шараның шымылдығын ашты. 

Мектеп табалдырығын аттаған бүлдіршіндерді ұлттық рухани білім нәрімен сусындатып, ізгілік пен ізеттіліктің үлгісін көрсету, олардың бойына ұлттық құндылықтарды, жауапкершілікті сіңіру, патриотизм, құрмет және азаматтық сана құндылықтарын дарыту мақсатында ұйымдастырылған ұстаз бен  шәкірт бейнесі - өзара сыйластық пен түсіністікке негізделген мектеп мәдениетін қалыптастыру болып табылады.

 Биылғы оқу жылының ерекшелігі, жаңартылған «Біртұтас тәрбие» бағдарламасының негізі болып табылатын, Мемлекет басшысы Қасым-Жомарт Кемелұлы Тоқаев Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзінде атап өткен негізгі 6 құндылықты жас білім алушылар ұрандатып, білім алушыларды отансүйгіштікке, еңбекқорлыққа, жауапкершілікке шақырды.

Полиция полковнигі Қарабаев Нұрлан Өсерханұлы ұстаздар мен оқушыларды, ата-аналарды «Білім күнімен» құттықтап, жаңа оқу жылы сәтті, табысты, жақсы жаңалықтар мен үлкен жетістіктерге толы жыл болуын тіледі. 1-сынып оқушыларына сәттілік тілеп, қауіпсіздік шаралары туралы нұсқаулықтар берді. 

Ақпараттық-түсіндірме жұмыстарынан кейін заң қызметкерлері бүлдіршіндерге тәттілер таратып, естелікке суретке түсті. Мектебіміздің қамқоршылық кеңес төрайымы Қадірбаева Фарида Қырғызбайқызы мен ата-аналар комитетінің төрайымы Сырбаева Айсұлу Закарияевна да ақ тілектерін айтып, сәттілік тіледі.

Мектебіміздің мақтаныштары, «АрмандаStar» үлгілі би ансамблінің орындауындағы әсем билер мен «Жауқазын» және «Балдаурен» вокалдық топтардың орындауындағы әндер салтанатты жиынның сәнін келтіріп, көркін ашты.

Салтанатты жиын «Алғашқы қоңырау» соғу рәсімімен аяқталды. Қоңырау соғу мәртебесі мектебіміздің 11-сынып оқушылары Имаммазам Рамазан мен Байменов Ануарға және 1-сынып оқушылары Жарқынбай Балым мен Мейрамхан Алуаға берілді.    

Іс-шарадан соң оқушылар естелікке суретке түсіп, «Мектебім – мейірім мекені» тақырыбындағы бірыңғай сынып сағаттарына қатысты.