«Педагогикалық ғылымдар»

Өзбекәлі Жәнібеков атындағы ОҚПУ-да «Педагогикалық ғылымдар» білім беру саласындағы оқу-әдістемелік бірлестігінің кеңейтілген республикалық мәжілісі өтті.  

ҚР ҒжБМ,  ҚР Оқу-ағарту министрлігінің қолдауымен  ұйымдастырылған  шараға еліміздегі педагогикалық  бағыттағы барлық ЖОО мен  стейкхолдерлер қатысты.  Кеңесте «Орта білім беруді жаңғырту» жобасы аясында педагогикалық  жоғары оқу орындарында масштабтау,  инклюзивті білім беру моделі,  педагогтердің білімін  бағалау,  педагогтерді қайта даярлау сияқты өзекті мәселелер кеңінен талқыланды.

Университет болашақ педагогтарды ұлттық код контексінде даярлауды білім берудің басты бағыты етіп,  жүзеге асыруда.  Білім берудің міндеттері қазақ халқының мәдениеті,  салт-дәстүрі мен  менталитетіне негізделген  білім сапасының деңгейін  ұлттық  және халықаралық  стандарттар  талабына сәйкес келтіруді көздейді.  Сондай-ақ,  стдуенттердің кәсіби білімі мен  практикалық дағдыларын  ұлттық негізде қалыптастыруда.

ҚР ҒжБМ Жоғары және жоғары оқу орнынан кейінгі білім комитеті төрағасының орынбасары Гүлжан  Жарасова,  Абай атындағы Қазақ ұлттық педагогикалық  университеті академиялық мәселелер жөніндегі проректор Бану Нарбекова  әріптестерге болашақтағы бағыттарды нақтылап, педагогикалық  білім беруді дамыту басымдықтары мен  мәселелерін  тұжырымдады. Айқындалған  жоспарлар мен  міндеттер  елімізде «Нағыз ұстазды қалай  даярлаймыз?» деген сұраққа  жауап беретін  қадам болатынына сенеміз.