ҚЫЗ ТӘРБИЕСІ – ҰЛТ БОЛАШАҒЫ

Шымкент қаласы білім басқармасының 02.10.2024ж. күнгі № 10-07-07/6120 хаты негізінде, 2024 жылдың 3-31 қазан күндері аралығында жарияланған «Бала құқығы – басты құндылық» тақырыбындағы айлық науқаны аясында бүгін «Қыз тәрбиесі – ұлт тәрбиесі» тақырыбында профилактикалық жұмыстар жүргізілді.

Акцияның мақсаты - кәмелетке толмағандардың арасындағы және оларға қарсы жасалған құқық бұзушылықтардың,  нашақорлықтың, балалардың  қадағалаусыз және панасыз қалуының алдын алу, зорлық-зомбылықтың, жыныстық тиіспеушілігіне қарсы қылмыстардың  профилактикасы, ерте жүктіліктің алдын алу және өзіне-өзі қол жұмсау фактілерін болдырмау және өмір қауіпсіздігін сақтау.

Қыздармен кездесуге Шымкент қаласының №1 қалалық емханасының дәрігер-гинекологы Умиралиева Улбала Касымовна қатысып, қыздарға жеке бас гигиенасынан бастап, жасөспірімдер арасында орын алатын ерте жүктіліктің салдары туралы толық ақпарат берді.

Аталған тақырып аясында мектеп психологы Катбаева Сандуғаш Кеңесбековна қыздардың назарына тақырыптық бейнематериал ұсынып, ол бойынша сұрақтар қойып, түсіндіру жұмыстарын жүргізді. 

Жиын соңында директордың тәрбие жұмысы жөніндегі орынбасары Утебаева Динара Калмуратовна сөз алып: қыз тәрбиесі, ұл бала мен қыз бала ара қатынасы туралы түсіндіру жұмыстарын жүргізіп, оқушыларды ішкі тәртіп ережесін қатаң түрде сақтауға, теріс, болашағына балта шабатын іс-әрекеттерге бармауға,  бүгінгі жиында қаралған маңызды мәселелерді қатаң есте сақтап, алдағы өмірде пайдалануға шақырды. Ең маңыздысы – өз-өзіне қол жұмсау – мәселенің шешу жолы емес екендігін естен шығармау керектігіне басты назар аударды.