Құқықбұзушылық, әлімжеттіктің алдын алу

Мектебімізде жасөспірімдер арасында құқықбұзушылық, әлімжеттіктің алдын алу мақсатында оқушылармен түсіндіру жұмыстары жүргізілді. 

Құқық бұзушылықтар үшін заңмен тиісінше әкімшілік, азаматтық құқықтық, тәртіптік және қылмыстық жауапкершілік қарастырылғаны туралы 8-11 сынып оқушыларына түсіндірме жұмыстары жүргізілді.

Іс-шараға белсене атсалысқан қонақтарымыз полиция подполковнигі Қ.М.Утеулиев білім алушыларға жаңа жылдың қарсаңында пиротехникалық заттарды қолданбау, тыйым салу, қолданған жағдайдағы алып келетін  зардаптары туралы айтты.

Қылмыстың – қоғамға қауіпті әрекет, оның ішінде кәмелеттік жасқа толмағандардың қылмысы, қылмыстық жауапкершілік, оған қолданылатын жаза түрлерін түсіндірді.

Өз ісінің мамандары мектеп инспекторы Ербол Қуанышбайұлы мен педагог-психологы Катбаева Сандуғаш оқушыларға сұхбат түрінде түсіндіру жұмыстарын жүргізіп, ҚР Прокуратурасы ұсынған бейнероликтерді көрсетті.