ҚҰҚЫҚ БҰЗУШЫЛЫҚТЫҢ АЛДЫН АЛУ ПРОФИЛАКТИКАСЫ

2024 жылғы 26 тамыз – 6 қыркүйек аралығында жарияланған, жергілікті жол полиция департаменті өкілдерімен бірлескен «Абайлаңыз балалар!» республикалық акциясы аясында, сонымен қатар ҚР Оқу-ағарту министрінің 30.07.2024ж. №194 бұйрығымен бекітілген жаңартылған «Біртұтас тәрбие» бағдарламасын жүзеге асыру, соның ішінде бекітілген негізгі алты құндылықтардың бірі - «Заң және тәртіп», «Әділдік және жауапкершілік» құндылықтарын жастардың бойында тәрбиелеу мақсатында заң өкілдерінің қатысуымен профилактикалық жиын өтті. 

Құқық бұзушылықтың алдын алу - қоғамдағы қылмыстың алдын алудың аса маңызды аспектісі болып табылады. 

Жасөспірімдердің арасындағы құқық бұзушылықтың алдын алу және оны болдырмау үшін құқықтық білімді жетілдіру қажет.

Осы мақсатта Шымкент қалалық ПД Әл-Фараби АПБ ЖПҚБ бастығы, полиция подполковнигі Шойынбаев Берік Сарсенұлы, Шымкент қалалық ПД Әл-Фараби АПБ ЖПҚБ бастығының орынбасары, полиция подполковнигі Утеулиев Мұхит Қоспанұлы және мектеп инспекторы Ербол Қуанышбайұлы кәмелетке толмаған жасөспірімдердің қылмыстық жауапкершілігінің алдын алу бойынша, сондай-ақ жастар арасында болып жатқан қылмыстың түрлі мәселелеріне тоқталып, түсіндірме жұмыстарын жүргізді.

Қазіргі таңда жастар арасында, әсіресе кәмелетке толмаған жасөспірімдердің қылмыстық жауапкершілігі жөнінде оқу орындарына барып, профилактикалық түсіндіру жұмыстары жүргізіліп жатқандығын, оның ішінде кәмелетке толмаған жасөспірімдердің түнгі сағат 22:00 де ойын сауық орталықтарында болмауы, сондай ақ түнгі сағат 23:00 ден кейін көшеде жүруге болмайтынын, түнде жүрген кезде бірінші ескерту беріліп, сосын айыппұл салынатындығын, егер де осы аталғандар орындалмаған жағдайда есепке алынатынын айтты. 

Заңды, әлеуметтік пайдалы қызметке және қоғам мен өмірге ізгілікті көзқарас қалыптастырып, жастардың қылмыстық қызметке жол бермейтін қағидаларға тәрбиелеу қажетті екендігін атап өтті.