"Жетекші мектеп" жобасы аясында өткен қалалық тәжірибелік семинар

Білім басқармасының Әдістемелік орталығы «Баршаға қолжетімді сапалы білім» ұлттық баяндамасын іске асыру жөніндегі Жол картасын орындау мақсатында, «Жетекші мектеп» жобасы аясында 2024 жылғы 19 желтоқсан күні «Білім-инновация» ер балаларға арналған №1 лицей-интернатында жетекші мектептерге арналған «Әдістемелік шеберлік – табысқа жетелейтін жол» тақырыбында семинар өткізді.

Шымкент қалалық білім басқармасы Әдістемелік орталығының әдіскерлері Н.А.Корганбаева мен Г.Н.Сыздыкова сөз басын бастап «Жетекші мектеп жобасымен» таныстырып өтті.

Лицей директоры Е.Ермаханұлы алғы сөз айтып, семинар жалғасын тапты.

«Білім-инновация» лицейінің оқу жүйесіндегі білім сапасын көтерудің өзіндік ерекшелігімен,  лицейдің  оқу ісі жөніндегі директор орынбасары Г.Ш. Арыстанова  таныстырды.

Мұғалімнің кәсіби құзыреттілігін дамыту бағыты бойынша «Әдістемелік зертхана: мектептегі тиімді жұмыстың сыры» тақырыбында әдістемелік кеңес жетекшісі, орыс тілі мен әдебиеті  пәні мұғалімі Б.Т.Пернебаева жүргізді.

БИЛ оқушылары еліміздің және шетелдік ЖОО грантын қалай иеленуде? 

«Кәсіптік бағдар беру - табысты болашаққа маңызды қадам!» тақырыбында кәсіби бағдар берушінің жұмыс бағытының тиімділігі тақырыбында, кәсіби бағдар беру ұйымының жетекшісі, математика пәні мұғалімі Д.Е.Кабылкаев жүргізді.

«Пәндік олимпиадаға дайындықтың  жолға қойылудағы жұмыс жүйесінің тиімділігі» тақырыбында, олимпиадаға дайындық ұйымының жетекшісі физика пән мұғалімі А.А.Нурмухамбет, 

«Оқушыларды олимпиадаға қызықтыруды тиімді басқару жолдары» тақырыбында, олимпиада ұйымдастырушы, математика пәні мұғалімі А.А.Уринбасаров жүргізді.

Сөз соңында семинарға қатысушылар өздерінің жылы лебіздерін білдіріп спикерлерге алғысын айтты.