Ы. Алтынсарин атындағы №65 мектеп-гимназия «Ең үздік олимпиадалық команда-2025» атағымен марапатталды!

Шымкент қаласының «Дарын» орталығы 2025 жылғы 22 қаңтар күні – Ы. Алтынсарин атындағы №65 мектеп-гимназиясының базасында жалпы білім беретін пәндер бойынша 9-11 сынып оқушыларына арналған республикалық олимпиаданың үшінші (қалалық) кезеңінің жеңімпаздары мен жүлдегерлерін марапаттау рәсімін өткізді. 

Іс-шара ұзақ жылдар бойы білім беру саласында қалтқысыз еңбек еткен, ардагер ұстаз - Кенжебаев Құрманәлі мырзаның арнайы келіп, Шымкент қаласының «Дарын» орталығының директоры, педагогика ғылымдарының кандидаты Джеренова Раушан Омархановнаға Қазақстан Республикасы Оқу-ағарту министрлігінің «Алғыс хатын» табыстауымен басталып, әрі қарай оқушыларды марапаттаумен жалғасты.

Іс-шараға шақырылған құрметті қонақ –  ҚР ҰҒА академигі, тарих ғылымдарының докторы, Шымкент қаласы мәслихатының депутаты  Қожамжарова Дария Пернешқызы мен Шымкент қаласының «Дарын» орталығының директоры, педагогика ғылымдарының кандидаты  Джеренова Раушан Омархановна қатысушыларға жылы лебізін білдіріп, құттықтау сөзін арнады. Өз кезегінде, Дария Пернешқызы олимпиаданың қалалық кезең нәтижелері бойынша «Үздік» деп танылған мектептер мен жеңімпаз оқушыларды марапаттады. 

Ы. Алтынсарин атындағы №65 мектеп-гимназиясы «Ең үздік олимпиадалық команда-2025» атағымен марапатталды.

Олимпиаданың республикалық кезеңіне жолдама алып, жүлделі орындарды иеленген оқушыларымыз: 

Жарылқасын Ұлдана 10-сынып орыс тілі пәні, пән мұғалімі Досалиева Гүлшат. 

Болысбек Асылай 10-сынып химия пәні, пән мұғалімі Шеримбетова Райхан.

Өмірбекқызы Дина 10-сынып география пәні,   пән мұғалімі  Омарова Айгүл.

Байлар Балжан ІІІ орын, 11-сынып, физика пәнінен, жетекшісі Досымбекова Гүлжан.

Химия пәнінен Дүйсеналиева Диана ІІІ орын, 9-сынып, жетекшісі Әмір Ләззат.

Мақтау қағазын иеленгендер: Кубеева Сая құқық пәнінен, жетекшісі Бекишева Ғалия,  Манапов Алмаз информатика пәнінен, жетекшісі Бегбутаева Айнұр. 

Үздіктер қатарынан көрінген мектептерді атап айтсақ:

Жаратылыстану-математикалық бағыттағы пәндер бойынша:

І орын -  «Білім-инновация» ер балаларға арналған №1 лицей-интернаты;

ІІ орын - Дарынды балаларға арналған №1 мамандандырылған IT лицей- интернаты;

ІІ орын - «Білім-инновация» қыз балаларға арналған №2 лицей-интернаты;

ІІІ орын - №90 дарынды балаларға арналған мамандандырылған мектеп-гимназия;

ІІІ орын - М.Х.Дулати атындағы үш тілде оқытатын №8 мамандандырылған гимназиясы;

ІІІ орын - А.С. Пушкин атындағы №1 мектеп-гимназиясы;

ІІІ орын - Ы.Алтынсарин атындағы №65 мектеп-гимназиясы.

Қоғамдық-гуманитарлық бағыттағы пәндер бойынша:

І орын -  «Білім-инновация» ер балаларға арналған №1 лицей-интернаты;

ІІ орын - М.Х.Дулати атындағы үш тілде оқытатын №8 мамандандырылған гимназиясы;

ІІ орын - «Білім-инновация» қыз балаларға арналған №2 лицей-интернаты;

ІІІ орын - А.С. Пушкин атындағы №1 мектеп-гимназиясы;

ІІІ орын - Дарынды балаларға арналған №1 мамандандырылған IT лицей- интернаты;

ІІІ орын - №2 мамандандырылған үш тілде оқытатын мектеп-интернаты.

Марапаттау рәсімін жалғастыру мақсатында үздіктер қатарынан көрінген  мектеп директорлары -  А.С. Пушкин атындағы №1 мектеп-гимназиясының директоры Аманкулова Анар Сагинбековна, Дарынды балаларға арналған №1 мамандандырылған IT лицей-интернатының директоры Альжанова Аят Скатаевна, «Білім-инновация» ер балаларға арналған №1 лицей-интернатының директоры Ербол Ермаханұлы, «Білім-инновация» қыз балаларға арналған №2 лицей-интернаты директоры Кульмагамбетов Бауржан Лухманхакимович, Ы.Алтынсарин атындағы №65 мектеп-гимназиясының директоры Кайыпов Алмасходжа Серикович және де Т. Рысқұлов атындағы №25 мектеп-гимназиясының директоры Жанабаева Роза Уызбекқызы ортаға шақырылып, жас дарындарға ақ тілегін айтып, марапаттады.

Шымкент "Дарын" орталығы барлық марапатталушыларды, олардың жетекшілерін, ата-аналарды шын жүректен құттықтаймыз және де іс-шараның жоғары деңгейде өтуіне ат салысып, ұйытқы болған - Кайыпов Алмасходжа мырза бастаған Ы. Алтынсарин атындағы №65 мектеп-гимназиясының барлық ұжымына өз ризашылығын білдірді!

Анықтама үшін: жалпы білім беретін пәндер бойынша 9-11 сынып оқушыларына арналған республикалық олимпиаданың үшінші (қалалық) кезеңі – ағымдағы жылдың 6-8 қаңтар аралығында ұйымдастырылды. Оған жиыны – 148 әр түрлі типтегі білім беру ұйымдарынан 800-ден астам оқушы қатысып, оның 423-і жүлдегерлер қатарынан көрінді.