«ПАТРИОТИЗМ – «БІРТҰТАС ТӘРБИЕ» БАҒДАРЛАМАСЫНЫҢ НЕГІЗГІ АРҚАУЫ» АТТЫ ҚАЗАҚСТАНДЫҚ ЖАС ПАТРИОТТАРДЫҢ VI РЕСПУБЛИКАЛЫҚ ФОРУМЫ

Қазақстан Республикасы Оқу-ағарту министрлігінің қолдауымен, ағымдағы жылдың 18-20 қазан күндері аралығында, Алматы облысы Қонаев қаласында «Балдаурен» республикалық оқу-сауықтыру орталығының ұйымдастыруымен «Патриотизм – «Біртұтас тәрбие» бағдарламасының негізгі арқауы» тақырыбында Қазақстандық жас патриоттардың VI Республикалық форумы өтті.

Форумның мақсаты – жастардың бойындағы рухани-адамгершілік қасиеттерін, азаматтық жауапкершілік пен патриотизмді, парасаттылық пен адалдықты дамыту арқылы қазақстандық мәдениеттің құндылықтары негізінде үйлесімді дамыған тұлғаларды қалыптастыру. 

Іс-шараның арнайы қонақтары:

- Ардагер ұстаздар 

- Қорғаныс министрлігінің жоғарғы оқу орындары мен әскери мектеп басшылары

- Облыстық білім басқармаларының жетекшілері

- Қазақстандық жас патриоттар Академиясының мүшелері және қаһармандық іс жасаған мектеп оқушылары.

Форумға Республика бойынша жас патриот, белсенді оқушылар да қатысып, «Елжанды патриот» төсбелгісімен марапатталды. Шымқаламыздан аталған жиынға 11 оқушы қатысып, іс-шараның өз деңгейінде өтуіне үлестерін қосты:

 Ерменбаева Адина - «А.С.Пушкин атындағы №1 мектеп-гимназиясының» 9-сынып оқушысы

 Боранбай Жұлдызай - «Ө.А.Жолдасбеков атындағы №9 ІТ лицейінің» 10-сынып оқушысы

 Cұлтанбек Арман мен Кудратилла Дария - «Д.И.Менделеев атындағы №15 мектеп-лицейінің» 9-10 сынып оқушылары

 Болат Майя, Мейірбек Ұлнара, Әліп Аяулым – «Ы.Алтынсарин атындағы №65 мектеп-гимназиясының» 10-сынып оқушылары

 Тажибаева Камилла - «Титов атындағы №20 мектеп-гимназияның» 10-сынып оқушысы

 Жақан Амир - «М.Жұмабаев атындағы №39 жоббм» 10-сынып оқушысы

 Темірхан Саян - «№86 жоббм» 10-сынып оқушысы

 Акберди Нұркелді - «№89 IT мектеп-лицейінің» 9-сынып оқушысы

Екі күн бойы балалар үшін ұйымдастырылған сапалы іс-шаралар мен қызықты, танымдық ойындар, аға буын өкілдерінің танымдық-тағылымдық үгіт-насихат сөздері, құттықтаулар мен марапаттар, әскери-патриоттық көрмелер мен әскери қойылымдар сияқты сапалы дүниелер жастардың бойына рух беріп, Еліне, Отанға деген сүйіспеншілігін арттырды, сонымен қатар Еліміздің түкпір-түкпірінен келген жастар өздеріне жаңа достар тауып, естелікке суретке түсіп, тиімді уақыт өткізді.