«ҰЛТТЫҚ БІРЫҢҒАЙ ТЕСТІЛЕУ – 2025» ата-аналар жиналысы.

Ы. Алтынсарин атындағы №65 мектеп-гимназияда 11 сынып ата-аналарымен жиналыс өтті. 

Негізгі мақсат: 

Ата-аналарды педагогикалық қолдау. ҰБТ-ның өткізілу тәртібі мен ережелерін, шетелдік жоғарғы оқу орындарына оқуға құжаттар тапсыру жұмыстарымен таныстыру.  

Жиналыс барысында Қазақстан Республикасы Білім және ғылым министрінің 2017 жылғы 2 мамырдағы «Ұлттық бірыңғай тестілеуді өткізу және "Ұлттық бірыңғай тестілеу тапсырғаны туралы сертификат беру" мемлекеттік көрсетілетін қызмет қағидаларын бекіту туралы» № 204 бұйрығымен бекітілген жалпы ҰБТ-ның ережелері, өткізу тәртібі және қағидалары мен 2023-2024 оқу жылының қорытындысын салыстырмалы түрде таныстырылды. Мемлекеттік білім беру грантындағы өзгерістер және ҰБТ-ға тиімді дайындалу жөнінде ақпараттар айтылды.

Мектеп психологы С.К. Катбаева білім алушылардың ҰБТ-ге дайындығына ата-ана тарапынан болатын көмекті жан-жақты талқылай отырып, ата-ана мен баланың арасындағы қарым-қатынастың ерекшеліктерін психологиялық жаттығулар арқылы көрсетті.

TGS компаниясының директоры Айгерім Асқарбековна шетелдік жоғарғы оқу орындарына оқуға құжаттарды сапалы таптыру, шетелдік ЖОО гранттарын иемдену үшін оқушы портфолиосының жинақталуы бойынша ақпараттармен бөлісті.

Ата-аналар өздерінің талаптары мен балалардың мүмкіндіктерінің ара-қатынасы туралы өз ойларын ортаға салды.