19
декабрь
2024
"Ата-аналарды педагогикалық қолдау" орталығы жұмысын жалғастыруда.
Ы.Алтынсарин атындағы №65 мектеп-гимназияда "Ата-аналарды педагогикалық қолдау" орталығы жұмысын жалғастыруда.
Қазақстан Республикасы Оқу -ағарту министрлігі «Өркен» балалардың әл -ауқатын арттыру ұлттық ғылыми - практикалық институтының» 2024 -2025 оқу жылында Қазақстан Республикасының білім беру ұйымдарында «Ата -аналарды педагогикалық қолдау орталығы» қызметін ұйымдастыру жұмыстары аясында бүгін 1-сынып ата-аналарына арналған «Сапалы ұйқы – балалардың дамуы мен денсаулығының негізі» тақырыбында сабақ ұйымдастырылды.
Сабақтың мақсаты мен міндеттері:
- баланың физикалық және психикалық денсаулығын сақтау факторы ретінде ата-аналардың ұйқыға құндылық қатынасын қалыптастыру;
- ата-аналардың баланың толыққанды ұйқысын қамтамасыз етуі үшін қолайлы жағдай жасауға деген ұмтылысын дамыту;
- салауатты ұйқының баланың ағзасы мен дамуына әсері және ұйқының бұзылуының теріс салдары туралы түсініктерді тереңдету;
- баланың ұйқысы пайдалы болуы үшін күн тәртібін сақтаудың нақты алгоритмін қалыптастыру.
Педагогикалық қолдаудың мақсаты - балалардың әл-ауқаты мен үйлесімді дамуын қамтамасыз ету үшін оң тәрбие мәдениетін қалыптастыру болып табылады.
Ата-аналарды қолдау балаларға өзіне деген сенім, эмоциялық басқару, сыныптастары тобында өмір сүру және ұжымда жұмыс істеу сияқты әлеуметтік және эмоциялық дағдыларды дамытуға көмектеседі. Ата-аналарды мектептің оқу процесіне тарту баланың білім алуы мен оқуына оң көзқарасты қалыптастыруға көмектеседі, баланың академиялық нәтижелерін жақсартуға ықпал етеді, бұл болашақта білім берудің жалғасуына және өзін-өзі дамытуға ұмтылуға әкеледі.
Мектеп пен ата-аналар қоғамдастығының өзара іс - қимылы білім беру процесінің маңызды аспектісі болып табылады, ол оқушылар үшін қолайлы оқу ортасын құруға ықпал етеді. Мектеп пен ата-аналар қоғамдастығының тиімді өзара іс-қимылы серіктестік құруға, білім беру процесін жетілдіруге және оқушылардың жан-жақты дамуына ықпал етеді. Мектеп пен ата-аналар қоғамдастығының өзара іс-қимылы саласындағы әлемдік ғылыми-практикалық тәжірибе ата-аналардың өз балаларын оқытуға қатысу түрлерінің иерархиясын көрсететін білім беру ұйымдарына ата-аналарды тарту моделін ұсынады.
Сабақ барысында ата-аналарға келесі тақырыптар бойынша ақпараттар берілді:
1. «Менің балам» сергіту жаттығуы
2. Баланың жеке тұлғасын дамыту үшін ұйқының мәні мен маңызы
3. Ұйқы баланың когнитивтік және эмоционалдық дағдыларын дамытудың негізі
4. Топтық жұмыс
5. «Ұйқы шақыратын және бұзатын жағдайлар»
6. «Дұрыс ұйқы ережелері»
7. «Салауатты ұйқы» идеялар шеберханасы т.б.
Сабақ соңында ата-аналардан «Түстер шоғыры» арқылы кері байланыс алынып, ата-аналар сабақтан алған әсерлерімен бөлісті.
Теги:
Ayazhan