АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ ЖҰМЫС ЖАСАУДА

АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ ЖҰМЫС ЖАСАУДА

«Әлемде балалардың бақыты мен күлкісінен маңызды ештеңе жоқ. Өскелең ұрпақтың жан-жақты дамуы үшін қолайлы жағдайлар жасау – әрқашан біздің мемлекетіміздің басты міндеттерінің бірі»  Қасым-Жомарт Кемелұлы Тоқаев.

Бүгінгі таңда балалардың қауіп­сіз­дігі, олардың денсаулығы мен қорғалуы, әл-ауқаты, білімі мен әлеуметтік жағдайы – басты назарда. Балалар­дың әл-ауқатын қамтамасыз етуге ата-аналардың педагогикалық мә­дениетін, психологиялық және әлеу­мет­тік құзыретін дамыту мақсатында Ы.Алтынсарин атындағы №65 мектеп-гимназияда "Ата-аналарды педагогикалық қолдау" орталығы жұмыс жасауда. 

Мектептің оқу процесіне сәтті бейімделуі үшін балалардың когнитивтік дағдыларын дамытуға ата-аналардың дайындығын қалыптастыру мақсатында ата-аналарға арналған "Білімдіге дүние жарық" тақырыбында сабақ өтілді. Сабақты Орынбаева Рабиға мен Спанова Гүлжамила жүргізді. 

Сабақ 4 қадамнан тұрды. 

1- қадамда 4 К моделі арқылы тақырыпты ашты. 

Сіздер үшін баланың үй тапсырмасын жақсы, уақтылы, өз бетінше орындауы үшін не керек? 

Егер бала үй тапсырмасын орындамаса не болады? 

Бала мен ата-ана арасындағы сабырлы, мейірімді қарым-қатынас немесе үй тапсырмасының орындалғаны маңызды ма? 

Балаңызға мектепке бейімделуге көмектесу үшін не істедіңіз? 

Сұрақтар топта талқыланды. 

2-қадамда әр топ баланың жеке басын дамыту үшін мектепке бейімделудің физиологиялық, психологиялық, әлеуметтік маңыздылығына постер құрып, қорғады. 

3-қадамда "Бір сабақ", "Мәтін" тақырыбында тапсырмалар орындады. Әр топ мәтін түрлері бойынша "Біздің сынып" тақырыбына мәтін құрастырды. Өздерін бала орнына қойғандағы бойларында болған сезімдерін ортаға салды. 

4-қадамда "Жұмсақ тақтай" ынтымақтастық тренингі өтілді. Ата-аналар мен мұғалімдер бірлесе жұмыс атқара отырып, сабақ қызықты, қажетті ақпараттарға толы болды. 

Ата-аналарды педагогикалық қолдау орталығы оқу жылының соңына дейін ата-аналарға ұлттық құн­дылықтарға негізделген сабақтарды да өткізеді. Бұл сабақтарда ертегі, аңыз-әңгімелер, батырлар жырларынан үзінділер келтіру, мақал-мәтелдер, халық әндері, дала ділмарларының шешендік сөздері, жыраулар шығар­ма­шылығы, салт-дәстүрлер мен ғұ­рыптардың, ұлттық киімдердің ма­ңызы, ұрпақтар тізбегі (шежіре), ер мен әйелдің қоғамдағы орны, туыстық қаты­настардың ерекшеліктері қамты­лады. 

Сонымен қатар жоба аясында «Даналық мектебі» клубы құрылды. Клуб мектептің нақты сұраныстарына сәйкес «Ата өсиеті», «Әже даналығы», «Аға қамқорлығы», «Жеңге кеңесі» секілді секцияларды ұйымдастыру ар­қылы ұлтымызға тән туыстық қарым-қатынастарды ұрпақ бойына сіңіруді мақсат етеді.

#Біртұтас_тәрбие 

#gani.beisembayev