«Білім беру 4.0: оқыту мен тәрбиелеудің жаңа көкжиектері»

Ы.Алтынсарин атындағы №65 мектеп-гимназиясында өтіліп жатқан тарих-география пән бірлестігінің «Білім беру 4.0: оқыту мен тәрбиелеудің жаңа көкжиектері» тақырыбындағы онкүндік аясында 6 сынып оқушыларымен тарих пәні мұғалімдері Ұ.М.Бақтымбетова мен Д.Дүйсенова «ТАПҚЫР ДОСТАР» тарихи-танымдық зияткерлік сайысын өткізді. 

Сайыстың мақсаты: 

- Оқушылардың ойлау қабілеттерін, тапқырлығын, жылдамдығын, таным белсенділігін арттыру. 

- Топпен жұмыс істей отырып, өзгенің пікірін құрметтеуге, ұйымшылдыққа баулу.

Сайыс мына төмендегі шарттар бойынша 3 топтың арасында өткізілді:

Таныстыру 

«Сөз ойла,тез ойла» 

«Кім жылдам?» 

 «Ұшқыр ой» 

«Тарихтан сыр» 

«Судағы сөз сыры»  

Сайыс барысында оқушылар түрлі тапсырмалар арқылы өздерін сан-қырынан көрсете білді. Суретпен жұмыс, мәтінмен жұмыс, сөздікпен жұмыс жасау барысында ұйымшылдықпен бірлісе отырып жеңіске жетуге болатын қадамдармен жүріп, өздері көз жеткізді. «Судағы сөз сыры» шарты бойынша  оқушылар жылдамдық пен тапқырлықтарын танытты. 

Тапсырмалардың әртүрлілігі оқушылардың белсенділігін арттырды. Сайысты "Қыран" тобы «Қазақ болғаныма мақтанамын!» деген, "Сұнқар" тобы «Мен мектебімді сүйемін!», "Бірлік" тобы «Қатысқаныма өте қуаныштымын!» деген сөздерді құрастыра отырып қорытындылады. Әділ қазылар алқасы  саралап жеңімпаздарды анықтап марапаттады.

Онкүндік жұмысы география пәнінің мұғалімі Албаева Гаухар Нурсеитовнаның «Физикалық және химиялық құбылыстар» тақырыбындағы ашық сабақпен жалғасты.

Сабақтың мақсаты: 

- Физикалық және химиялық құбылыстарды ажырату. 

- Мұғалім оң нәтижеге жету үшін оқушылардың тыңдалым және айтылым дағдыларын дамыту. 

Сабақта қызықты әдіс тәсілдер қолданылды. Әдіс-тәсілдердің ішінен оқушыларға физикалық және химиялық құбылыстар бойынша бейнеролик көрсетілді. Оқушылар мәтінмен жұмыс жасап, постер құрастырды. Оқушылар физикалық, химиялық құбылыстарға мысалдар келтіріп, жан-жақты сипаттады. Осы жұмысты жасау барысында оқушылардың функциональдық сауаттылығына мән берілді. Әрбір жұмыс орындалған соң тексеріліп кері байланыс берілді. 

«Тәжірибе алаңы»  әдісі бойынша, оқушылар өзара бірлесіп  тәжірибе жасады. Тәжірибе  барысында оқушыларға  ең ұнағаны парафиннің жануы, бұл физикалық құбылыс. Сонымен қатар оқушылар өз ойларын емін-еркін жеткізе алды.  

Сабақ барысында оқушылардың пәнге деген қызығушылығы  өте жоғары болды. Оқушылар жалпы заттардың  физикалық және химиялық құбылыстарын ажырата білді.  Көптеген оқушылар  сабақ  материалын жақсы игергенін байқатты. Осылайша құрбы- құрдастарымен қарым -қатынас жасауға, өз ойларын ұсынуға, қорғауға оған белсенді қатысуға мүмкіндік алды.