«Үйден тыс жерлерде тамақтану»

20.11.2024 ж. күүні, мектебімізде «Ата-аналарды педагогикалық қолдау» орталығының жылдық жұмыс жоспарына сай, «Үйден тыс жерлерде тамақтану»  тақырыбында 11-сынып ата-аналарына арналған кезекті сабағы өтті. Сабақты 11-сынып жетекшілері «Ата-аналар» мен «Оқушылар» және «Эксперттер» деп 3 топқа бөліп ұйымдастырды.  

Іс-шараның мақсаты:

1. Балада шешім  қабылдау дағдыларын дамыту;

2. Фаст-фудты ауыстырудың экологиялық таза (психологиялық қауіпсіз)   тәсілдері;

3. Дұрыс тамақтануды қолдау: мотивтер мен  шешімдер;

4. Үйде және сыртта дұрыс тамақтануға арналған практикалық кеңестер мен қадамдар.

Іс-шараға ата-аналар белсене қатысты. Бұл тақырып қазіргі таңда өте өзекті мәселе болып жатқаны айтылды. Статистикалық мәліметтерге сүйенсек, артық салмақтан зардап шегетін балалар жыл сайын көбейіп келе жатыр. Бұл қоғам үшін қауіпті екенін аңғартады.

«Неліктен балалар үйден тыс жерде тамақтануға құмар және оны шешу жолдары?» тақырыбында топпен жұмыс жасалды. Дұрыс тамақтану викторинасы айтылып, видеороликтер көрсетілді. Үйден тыс жерде тамақтанған адам бірнеше қарапайым, бірақ маңызды ережелерді сақтауы тиіс екеніне баса назар аударды.

Қорыта келе, ұл-қыздарымызға дұрыс тамақтану негіздерін үнемі айтып, дұрыс орындау керектігін ескерте беруіміз қажет. Пайдалы тағамдар мен жемістерді көп қолдануымыз керек.  Ата-аналардың үйден тыс жерде дұрыс тамақтануды таңдаудағы қолдауы жасөспірімдердің дұрыс тамақтану әдеттерін  қалыптастырудың негізгі факторы болып табылады. Дұрыс тамақтану негіздерін  үйрету, тамақты жоспарлау және дайындау, қолдау және мотивация жасөспірімдерге  дұрыс  таңдау жасауға  және олардың әл-ауқатын  сақтауға көмектеседі.