Кітапханашы - мәртебелі мамандықтың бірі!

Адамзат баласының қол жеткізген рухани ұлы игіліктерінің бірі – білім қазынасы болса, білімнің қайнар көзі – кітапта. Кітаптың орны бөлек, ол адамның логикалық ой жүйесін, фантазиясы мен ой-өрісін дамытатын, адамзат баласын прогреске сүйреген құндылықтардың бірі, яғни білуге, білімге деген ұмтылыстан туындағаны күмәнсіз. Кітапханашы - мәртебелі мамандықтың бірі. Ы.Алтынсарин атындағы № 65 мектеп-гимназияның кітапхана меңгерушісі, ардақты ұстазымыз Сейдуалиева Нұрсұлу Шайлановна кітапхана ісі саласын дамытуға қосқан елеулі үлесі мен ұзақ жылғы адал қызметі үшін Шымкент қаласының Білім басқармасының басшысы Ж.А.Тажиеваның «Алғыс хатымен» марапатталды.

Білікті маман ретінде оқырман көңілінен шығып, олардың талаптарын қанағаттандыру бағытындағы еңбектеріңізге толағай табыс тілейміз!

МАРАПАТЫҢЫЗ ҚҰТТЫ БОЛСЫН!