«Әкелер мектебі» жобасы аясында «Әке – отбасы тірегі» тақырыбында семинар-тренинг

Іс-шараға барлық сыныптардың әкелер кеңесінің төрағалары қатысты. 
Іс-шара мақсаты: 
- Отбасындағы, бала тәрбиесіндегі әкенің рөлі, алатын орны;
- Әкелерді білім мекемесіндегі мақсатты бағытталған тәрбие жұмысы үдерісіне тарту;  
- Психологиялық ағарту жұмыстарын жүргізе отырып әкелердің психологиялық – педагогикалық мәдениетін арттыру;
- Жанұядағы әке мен бала арасындағы қарым-қатынасты нығайту, сенімділікті және сыйластықты қалыптастыру;
- Бала тәрбиесінде Әкенiң рөлі ерекше екендігін түсіндіру.
Семинар-тренингтің арнайы қонағы - кәсіби отбасылық психолог, «Онлайн отбасы академиясының» негізін қалаушы, 3 баланың әкесі Ержан Мырзабаев онлайн байланыспен жүздесті. 
Ержан Мырзабаев бала тәрбиесіне ата-ананың дұрыс қарым-қатынасы, әкенің бала тәрбиесіндегі рөлі, ұлттық құндылықтар туралы өте пайдалы кеңестер берді. 
Іс-шара барысында әкелерге психологиялық тренингтер ұйымдастырылып, балалармен бірлескен ойындар жүргізілді, бейне-материалдар назарларына ұсынылды. Сонымен қатар, бала тәрбиесіне, отбасы мәселелеріне байланысты өзекті сөз сөйлеп, талқыға салды, құнды пікірлерімен бөлісті. 
Семинар соңында әкелер алған әсерлерімен бөлісіп, алғыстарын білдірді.
@yerzhan.myrzabayev мырзаға мектеп әкімшілігі атынан алғыс айтамыз.