Bridge of knowledge

Мектебімізде ағылшын тілі кафедрасының он күндігі аясында 9 сынып оқушылары арасында «Bridge of knowledge» жобасы өтті.  Жоба жетекшілері ағылшын тілі пәнінің ұстаздары Қойшығараева Нүргүл Кенжебекқызы және Бақбергенқызы Балжан. 

Жобаның негізгі мақсаты оқушылардың лексико - грамматикалық білімдерін дамыту , ауыз - екі сөйлеу дағдысын қалыптастыру, пәнге деген қызығушылығын арттыру, ойлау, сөйлеу, тыңдау, қабылдау дағдыларын қалыптастыра отырып, логикалық ойлау қабілетін дамыту. Халқымыздың салт–дәстүрлерін дәріптеуге, қастерлеуге және жандандыруға шақыру. Оқушыларды топпен жұмыс істеу барысында бірлікке, достыққа, татулыққа, адамгершілікке тәрбиелеу.  

Ы. Алтынсарин атындағы № 65 мектебінің атынан шыққан «Victory» тобы мен Англия елінен келген «Sunshine» мектебінің шәкірттері тартысты сайысқа түсіп, өз өнерлері және білімдерін паш етті. 

Сайыста екі топ таныстыру, өз өнерлерін көрсету, блиц сұрақтарға жауап беру және үй тапсырмасы бөлімдерін орындады. Жобаның ерекшелігі АҚШ мемлекеті Техас штаты Хьюстон қаласынан келген қонағымыз Мистер Арнольдтың балалармен бірге сайыста өнер көрсетуінде болды.  

«Victory» тобы қазақ халқымыздың салт дәстүрі «Тұсау кесу» дәстүрін ағылшын тілінде дәріптесе, Англия елінен келген «Sunshine» мектебінің шәкірттері тұманды альбион елінің  «Pancake day» және «Christmas» салт дәстүрлерін ерекше көріністерімен ұсынды. 

Жобадағы аталған барлық тапсырмаларды шәкірттеріміз ерекше ынтамен, қызығушылықпен орындап, тартысты сайыста өздерінің білімдерін көрсете білді, сұрақтарға толықтай жауап берді. Жеңімпаздар марапатталды.