«65 Talks» зияткерлік жобасының кезекті жиыны өтті.

2021-2022 оқу жылының қыркүйек айында бастау алған, «65 Talks» зияткерлік жобасының кезекті жиыны өтті. 

Дәстүрлі түрде айына бір рет ұйымдастырылып отыратын аталмыш жобаның мақсаты - оқушылардың бойында ғылыми-зерттеу дағдыларды қалыптастыру, үш тілде сөйлеу арқылы үштілділікті дамыту, түрлі дүниетанымдар мен идеяларға құрмет көзқарастарын қалыптастыру, сыни ойлауға ықпал ету, сондай-ақ көпшілік алдында сөйлеу дағдыларын қалыптастыру.

Бүгінгі спикерлер: 

10 «Б» сынып оқушысы Шаншархан Балауса «Жеке кеңістік» тақырыбында қазақ тілінде;

9 «Г» сынып оқушысы Құлманова Аяулым «Личное пространство» тақырыбында орыс тілінде;

10 «В» сынып оқушысы Тәжіхан Адема «Time management» тақырыбында ағылшын тілінде сөз сөйлеп, қызықты ақпараттармен бөлісті.

Көрермен-оқушыларға аталмыш тақырыптарға байланысты пайдалы ақыл кеңестер беріліп, сұрақтар қойылды. Оқушылар да белсенділік танытып, спикерлердің сұрақтарына жауап беріп, өз пікірлерін білдіріп отырды. Әрбір спикер сөзінен кейін жоба координаторлары берілген тақырыпқа байланысты комментарий беріп, көрермендермен байланыс орнатып отырды. 

«TED Talks» жобасының негізінде ұйымдастырылып отырған «65 Talks» жобасының мақсаты да оқушыларды барынша қызықтыру, жобаға көптеп қатыстыру, сол арқылы оқушылардың ораторлық қасиеттерін дамыту және көпшілік алдында сөйлеуге дағдыландыру. Сол себепті, іс-шара соңында, әдеттегідей оқушылар аталмыш жобаға спикер ретінде қатысуға шақырылды және қазіргі таңда қызықты, актуалды тақырыптарды талқылап, оның шешу жолдарын да ұсыну маңыздылығы да айтылды.