"Әкелер кеңесі" бала тәрбиесіне әкені араластыру

Мектебімізде "Әкелер кеңесі" бала тәрбиесіне әкені араластыру, отбасындағы әкенің орнын айшықтау, отбасылық құндылықтарды сақтап, әкелердің бала тәрбиелеудегі жауапкершілігін арттыру мақсатында жұмыс істейді.

“Әкенің берген тәрбиесі - балаға өмірлік азық !” - деген тақырыпта педагог- психологтар А.Науатова, С.Катбаева, А. Исламова әкелерге арналған дөңгелек үстел өткізді. 

«Бір әкенің тәрбиесін жүз мектеп бере алмайды» деген нақыл әкенің қадір-қасиетін артық сөзсіз-ақ ұғындырып тұр. Баланың бойындағы ермінезділік, өжеттілік, мәрттік қасиеттер әке арқылы қалыптасады. 

Әкенің бойындағы қасиет балаға беріледі. «Әке көрген оқ жонар» дейді ғой дана халық. Қазір балабақшадағы, мектептегі, университеттегі тәрбие әйел адамдардың қолында екені жасырын емес. Баланың санасы қалыптасу кезеңінде әкенің тәрбиеге араласуы өте маңызды.