«65 Talks» интеллектуалдық жобасының кезекті жиыны

Бүгін, мектебімізде 2021 жылдың қазан айынан бастап, дәстүрлі түрде жалғасын тауып келе жатқан «65 Talks» интеллектуалдық жобасының кезекті жиыны өтті. Аталмыш жоба ДТІЖО Д.Утебаеваның бастамасымен және спикерлерді сахнаға үш тілде дайындап отыратын жоба координаторлары қазақ тілінде А.Абдильдаева, орыс тілінде Ж.Спанова және ағылшын тілінде Б.Бақбергенқызының ұйымдастыруымен жүзеге асырылып отырады. 

«TED Talks» жобасының негізінде ұйымдастырылып отырған «65 Talks» жобасының мақсаты - оқушылардың бойында ғылыми-зерттеу дағдыларды қалыптастыру, үш тілде сөйлеу арқылы үштілділікті дамыту, түрлі дүниетанымдар мен идеяларға құрмет көзқарастарын қалыптастыру, сыни ойлауға ықпал ету, көпшілік алдында сөйлеу дағдыларын қалыптастыру.

Жобаның миссиясы – таратуға тұрарлық идеялармен бөлісу.  

Бүгінгі іс-шарада, жастар арасында өзекті мәселелерді көтеріп, қызықты ақпараттармен, құнды дүниелермен бөліскен оқушылар көрермендердің қошеметіне ие болды, олар:  

1. 10 «Ғ» сынып оқушысы Абылқазы Мөлдір «Ата-ана және бала арасындағы дағдарыс» тақырыбында қазақ тілінде;

2. 10 «Б» сынып оқушылары Байменов Ануар мен Тойшығар Мағжан «Как выбрать профессию» тақырыбында орыс тілінде;

3. 10 «Ж» сынып оқушысы Төре Нұрсұлтан «The Mental Health» тақырыбында ағылшын тілінде танымды, әсерлі презентацияларын дайындап, сөз сөйледі. 

Өз кезегінде спикерлер жастар арасында өзекті мәселелерді айта отырып, олардың шешу жолдарын ұсына білді. Сонымен қатар, көрермен-оқушылардың назарын аулап сұрақтар қойып, көрермендермен байланыс орната алды. Оқушылар да белсенділік танытып, спикерлердің сұрақтарына жауап беріп, өз пікірлерін білдіріп, іс-шараға қызығушылықтарын танытып, белсенді қатысып отырды. 

Жоба бойынша әрбір оқу жылының соңында «Үздік спикерлер» анықталып, марапатталып отырады. Сонымен қатар, мектепішілік «65 Talks» жобасында өздерін жақсы көрсете білген спикерлер жыл бойына Шымкент қаласы химия-биология бағытындағы Назарбаев Зияткерлік мектебінің қалалық деңгейде өткізетін «NIS Talks» конференциясына қатысуға мүмкіндік алады.

Барлық қатысушыларға сәттілік тілейміз!