Ағылшын тілі кафедрасының онкүндігі

Ағылшын тілі кафедрасының онкүндігі жалғасуда. 

Кафедраның ұлағатты ұстазы Ыбырай Фарида Тілепқызы бүгін, 2023жылдың 7 қараша күні «Developing of speaking skills through proverbs and sayings at the English lesson» атты шебер-сабақ өткізді. 

 Сан ғасырлар бойы халықтың өзiмен бiрге жасалып, екшелiп, ұрпақтан ұрпаққа мұра болып қалып жатқан ауыз әдебиетiнiң бай саласының бiрi – мақал-мәтелдер.

Мақал мен мәтел – халықтың ғасырлар бойы іс-тәжірибесінен, өмір тануынан қорытылып, ереже түрінде тұжырымдалған аталы сөзі, ой түйіні. Мақал - мәтелдер бірнеше ғасырлар бойында жиналып, құрамындағы сөздердің орны әбден қалыптасып тұрақтанған.

Кез келген халықтың даналығы мен рухы сол халықтың мақал-мәтелдерiнде анық көрiнiс беретiнi ертеден мәлiм.

Ағылшын тiліндегi мақал-мәтелдердегi немесе нақыл сөздердегi мағыналық реңктiң ұқсастықтары мен айырмашылықтарын ұғыну ағылшын тiлiн үйренуге елеулi көмек көрсетедi. 

Шебер-сабақтың өзектілігі:Мақал-мәтелдердің тіларалық семантикасын салыстыра зерттей отырып, ондағы жалпы адамзаттық, жалпыхалықтық мәнділіктер мен заңдылықтарды және этностық ерекшеліктерді, сондай-ақ ұлт, тіл, мәдениет және өркениеттің өзара сабақтастығын айқындау.

Шебер-сабақтың мақсаты: Ағылшын-қазақ-орыс мақал-мәтелдерін салыстыра зерттей отырып, олардың құрылымдылық және мағыналық ерекшелектері мен ұқсастықтарының сипатын ашу.

Шебер - сабақ барысында ағылшын тіліндегі мақал мәтелдердің орыс және қазақ тілдеріне аударып сабақта және  түрлі өмірлік жағдайларда  дұрыс қолдану туралы айтылды. Шебер-сабақта әдістемелік тәсілдер, фонетикалық және грамматикалық тапсырмалар мен ой қозғау ойындары орын алды. 

Кафедраның қонақтары мен ұстаздардың ауызбіршілік пен білімпаздықтың көмегімен сабақ  жоғары деңгейде өтті.