"ҚҰҚЫҚ ЖӘНЕ ЗАҢ ЖАУАПКЕРШІЛІГІ"

Шымкент қаласы, Әл-фараби ауданы  прокуратурасының  №2-12-24-05021 хатына сәйкес жасөспірімдер арасында құқықбұзушылық, әлімжеттік, өз-өзіне қол жұмсаудың зияндылығын насихаттау мақсатында, Ы. Алтынсарин атындағы №65 мектеп-гимназияның 9-сынып оқушылары  арасында "Заң және тәртіп" құндылықтарын дамыту үшін «Құқық және Заң жауапкершілігі» зияткерлік ойынын Аға Тәлімгер Құлжанова Жазира ұйымдастырды. 

Зияткерлік ойын барысында оқушылар 3-топқа бөлінді. 

1- топ 9 "Г" сынып оқушыларынан құралған «Заң» командасы

2-топ 9 "И" сынып оқушыларынан құралған «Құқық» командасы

3-топ 9 "Ғ" сынып оқушыларынан құралған «Әділет» командасы

  Ойынның шарттары 5-кезеңнен тұрады.

1кезең: «Қанат қақты». Топ басшыларының сайысы. (2 мин ішінде 10 сұраққа жауап беру)

2 кезең: «Ситуациялық жағдаяттар» сұрақтарға жауап беру  

3 кезең: «Қарсыластың сұрағы». Ұпайы көп топ бастайды, қарсыластар бір-біріне бес сұрақтан қояды.

4. кезең:  Мақал-мәтелдердің жалғасын табу  «Ой жалғау» 

5.кезең   «Ақ тілек» Ойынға қатысушыларды өз ойларын, іс шарадағы қуаныштарын,  өкініштерін, тілектерін, алғыстарын ашық түрде ортаға салады.

Ойын мақсаты -  Адам құқықтарын сақтау, өз құқықтары мен міндеттерін жүзеге асыруға дайындық қабілеттілігін қалыптастыру. Оқушыларға адам құқығы мен міндеті ұғымдарын меңгерту, проблемалық жағдаяттарды құқықтық тәсілмен шешуге үйрету. 

Оқушылар өздерінің тақырыптары бойынша ойлары мен пікірлерін ашық ортаға салды. Ойын соңында ұпай сандарын есептеу арқылы командалар марапатталды.