Республикалық бірыңғай «Жас Ұлан» балалар мен жасөспірімдер ұйымының қатары толықты.

16 желтоқсан «Тәуелсіздік күніне» орай өскелең ұрпақты жоғары рухани - адамгершілік құндылықтар, гуманистік, жаңа көзқарастарға, ұстанымдарға негізделген қазақстандық патриотизм рухында қалыптасқан «Жас Ұлан» балалар мен жасөспірімдер ұйымының қатары 56 ұланмен толықты.

Оқу озаттары мен мектеп белсенділері «Жас Ұлан» қатарына қабылданған  әр оқушыға жаңа міндеттер мен мақсаттарын түсіндіріп, өз Отанының нағыз патриоттары болуға шақырды. 

Асқақтата шырқалған әнұран әуенінің бастауымен аспан түстес көк галстуктері мойындарына тағылған әрбір ұйым мүшесінің бүгінгі күнгі естеліктерін мәңгі естеріне сақтайды деп сенеміз.

Өйткені бұл күн – әр оқушыға елдік пен ерліктің, бірлік пен ынтымақтастықтың, шыншылдық пен адамгершілік қасиеттердің  жауапкершілікпен ант беріп, қабылданған серттерінің куәсі болып табылмақ. 

«Жас Ұлан» ұйымының қатарына қабылданған оқушыларымызды құттықтаймыз!