ҚОСЫМША БІЛІМ БЕРУ ЖҰМЫСЫ ТАЛҚЫЛАНДЫ

Жиында қосымша білім беру бағытындағы өзекті сұрақтар талқыланды. Күн тәртібінде үйірмелерге оқушылардың дайындығы, оларға қолайлы жағдай жасалуы туралы мәселелер қозғалды. 

Үйірме жетекшілері өздерінің бала дамыту бағытындағы түрлі инновациялық жұмыстарын көрсетті. 

Балаларға қосымша білім беру – үздіксіз білім берудің ажырамас бөлігі, салауатты өмір салтын қалыптастыруға, жеке тұлғаны өздігінен дамытуға, шығармашыл, дарынды балаларды анықтауға, оларға қолдау көрсетуге және балалардың құқықтарын қорғауға бағытталған көп деңгейлі білім жүйесі.

Балаларға қосымша білім берудің құндылығы жалпы білімдегі вариативтік құрауды күшейтеді және балалардың өзін-өзі кәсіби деңгейде ұстауға, мектептің базалық компонентінде алынған олардың білімін одан әрі жетілдіруді жүзеге асыруға мүмкіндік береді. 

Мектеп қабырғасындағы үйірмелер қосымша білім беру қызметімен айналысып, баланың бейімділігіне қарай олардың қабілетін ұштап, өмірден өз орнын табуға бағыттайды.