«Білгенге маржан» атты интеллектуалдық тілтанымдық сайысы өтті.

26 қыркүйек күні «Тіл – ұлттың жаны, халықтың қазынасы» атты қазақ тілі мен әдебиеті пәнінің онкүндігі аясында қазақ тілі мен әдебиет пәнінің мұғалімдері - Бекжанқызы А, Айтпек Н, Акимбек Л. ұйымдастыруымен  6-сынып оқушылары арасында «Білгенге маржан» атты  интеллектуалдық тілтанымдық сайысы өтті. 

Бұл сайыстың мақсаты -оқушылардың қазақ әдебиетінен алған білімдерін жүйелеу, талдау, шығармашылықпен қолдану қабілеттерін дамыту. Ұлттық құндылықтарды дәріптеу арқылы әдеби мұраға деген қызығушылығын арттыру.Оқушыларды топпен жұмыс істеуге, пікір алмасуға, ой еркіндігін дамытуға, тұрақты тіркестердің мағынасын ашып, күнделікті өмірде қолдануға баулу.

Сайыс  «Шығармашылық шеңбер», «Даналық дариясы», «Сөз мерген», «Шығармадан сыр шертсек» атты 5 кезеңнен тұрды. Әділ қазы алқаларының ортақ шешімі бойынша «Жеңіс» тобы жетістікке жетті.