«65 Talks» интеллектуалдық жобасының кезекті жиыны өтті.

18 сәуір күні, мектебімізде жүйелі түрде айына бір рет жүргізіліп отыратын «65 Talks» интеллектуалдық жобасының кезекті жиыны өтті. Аталмыш жоба ДТЖЖО Д.Утебаеваның бастамасымен және үш тілді координаторлар А.Абдильдаева, Ж.Спанова және Г.Алмасқызының ұйымдастыруымен жүзеге асып отырады. «Таратуға тұрарлық идеялар / Ideas worth spreading»  айдарымен өтетін бұл жоба мектебімізде 2021 жылдың қазан айынан бастап дәстүрлі түрде жүргізіліп отырады.  

«TED Talks» жобасының негізінде ұйымдастырылып отырған «65 Talks» жобасының мақсаты - оқушылардың бойында ғылыми-зерттеу дағдыларды қалыптастыру, үш тілде сөйлеу арқылы үштілділікті дамыту, түрлі дүниетанымдар мен идеяларға құрмет көзқарастарын қалыптастыру, сыни ойлауға ықпал ету, көпшілік алдында сөйлеу дағдыларын қалыптастыру. 

Бүгінгі жиынның келесі спикерлері актуалды тақырыптарды қозғап, көрермендермен қызықты ақпараттармен бөлісті. Атап айтар болсақ:

1. 10 «Г» сынып оқушысы Марат Мерей «Никотин және оның адам денсаулығына каупі» туралы қазақ тілінде; 

2. 9 «Ә» сынып оқушысы Балтабай Назым «Инсайты месяца» тақырыбында орыс тілінде;  

3. 10 «Е» сынып оқушысы Тастемір Айғаным «Will Artificial Intelligence replace humans?» тақырыбында ағылшын тілінде сөз қозғап, қазіргі таңда өте актуалды әрі қызықты болып отырған жасанды интеллект жайлы пайдалы ақпараттармен бөлісті. 

Сөз барысында спикерлер тарапынан қойылған сұрақтарға оқушылар қызығушылық танытып отырды және белсенді жауап беріп отырды. Сол арқылы тақырып аясындағы проблемаларды анықтауға, мәселелердің шешу жолдарын ұсынуға белсенді қатысты. Спикерлер, өз кезегінде, залмен байланыс орнатып, өз ойларын еркін жеткізе білді. 

Жобаға белсенді қатысып, ерекшеленген спикерлер арасынан оқу жылының соңында «Үздік спикерлер» анықталып, марапатталып отырады. Сонымен қатар, мектепішілік «65 Talks» жобасында өздерін өте жақсы көрсете білген үздік спикерлер жыл бойына Шымкент қаласы химия-биология бағытындағы Назарбаев Зияткерлік мектебінің қалалық деңгейде өткізетін «NIS Talks» конференциясына қатысуға мүмкіндік алады.