Коворкинг- заман талабы

Ы.Алтынсарин атындағы №65 мектеп-гимназия кітапханасының коворкинг орталығы «Оқуға құштар мектеп» жобасы аясында ұйымдастырылды.

«Coworking»- ағылшын тілінен аударғанда «бірлесе жұмыс істеу» деген мағынаны береді, яғни, бұл оқырмандардың әңгіме-дүкен құратын, ой бөлісетін, пікір алмасатын, оқыған қызықты кітаптары туралы айтып, кеңесетін оқырман алаңы. 

Білім ордасындағы осындай бұрыштарымыз – рухани азықтан алыстап бара жатқан өскелең ұрпақты кітап оқуға көбірек тарту мақсатында жасалынып отыр. 

Жаңаша безеңдірілген, өзгеше жабдықталған бұл кітап оқу алаңы оқушылардың тұрақты демалатын, кітап оқитын ортасына айналатынына сеніміміз мол.