«Қобыздың үні - өмір әуені» атты музыкалық кездесу кеші өтті

Кездесуге арнайы шақырылғын  қонақтарымыз ҚР мәдениет саласының  үздігі, аға  оқытушы педагогика  ғылымдарының  магистрі,  қыл  қобыз  аспабының  нағыз  маманы Қарсыбаева Айман Мусаевна  мен  ҚР мәдениет  қайраткері, аға  оқытушы Лес  Марина Күмісбекқызы  киелі   жетіген, қобыз, қылқобыз, нар қобыз аспаптарында күйлер  орындаумен  қатар «Қобыздың  үні - өмір әуені»  жайлы күйлердің шығу тарихынан сыр  шертті.  

Мектебіміздің өнерлі оқушылары фольклорлы – этнографиялық аспаптар домбыра, шертер, қобыз, қылқобыз, дауылпазда  өз  өнерлерін паш етті. Н.Тілендиевтің «Ата  толғауы», М.Аубакировтың «Наркескен» атты  шығармаларын орындап, тыңдандармандарға керемет көңіл күй тарту етті. 

Қылқобыз аспабының нағыз шебері Қарсыбаева Айман  Мұсаевнаның орындауында Ықыластың күйі «Қоңыр», «Шыңырау», «Қазан» күйлері және  Қ. Шілдебаевтың «Қаракемер» күйлерін орындады. Аға оқытушы Лес Марина  Күмісбекқызымен бірге  жетіген және  қыл  қобыздың  үйлесімімен орындалған халық әні «Ақбаян» барша тыңдармандарға әдемі әсер қалдырды. 

Керемет кездесуді қонақтармен бірге мектебіміздің «Мұрагер» ұлт аспаптар оркестрі Құрманғазының күйі «Балбырауынмен»  тамамдады.