ТEDX форматтағы "65Talks" жобасы

Бүгін мектебімізде TEDX  форматтағы "65Talks" жобасы өтті. Бұл жоба оқушылардың өзіндік пікірін ортаға салуға, өзекті тақырыптарды көпшілік алдында талқылауға және үш тілде шебер сөйлеу дағдыларын дамытуға бағытталған.

Сахна төріне үш оқушымыз шығып, қызықты әрі терең ой қозғады:

Қазақ тілінде: 9«В» сынып оқушысы Нышанбай Сабыржан «Жаханданудың қазақ тіліне маңызы» тақырыбын талдап, мемлекеттік тілдің ерекшелігі мен мәдениетіміздегі маңыздылығын жан-жақты ашып көрсетті.

Орыс тілінде: 10 «Ғ» сынып оқушысы Тонирберген Нозинұр «Тревожность» тақырыбы бойынша сөз қозғап, мазасызданудың себептері мен онымен күресу жолдарын қарастырды.

Ағылшын тілінде: 10 «Ғ» сынып оқушысы Төлебек Бақнұр «How music affects our perception» жайлы талқылап, позитивті музыка тыңдау адамның оң сезімдеріне әсерлі болатынын айтты.

Бұл шара оқушылардың жан-жақты дамуына, еркін ойларын жеткізуіне және тілдерді меңгеру деңгейін көрсетуге мүмкіндік береді. 

Барлық қатысушыларға және қолдау білдірген мұғалімдерге алғысымызды білдіреміз!