Чехия Республикасының Оломоуц қаласындағы Палацков университетінде педагогикалық бағытта білім алып жатқан болашақ ұстаздар қонаққа келді.

Аталмыш сапар шеңберінде қонақтар мектебіміздің оқу-тәрбие үдерісімен, сондай-ақ түрлі бағытта жүзеге асырылып жатқан жобалармен және қол жеткізген жетістіктерімен танысты.

Іс-шара барысында қонақтар мектеп жанындағы фольклорлық ансамбльдің орындауындағы қазақ халқының ұлттық күйлерін тамашалап, ұлттық мәдениетімізбен жақынырақ танысуға мүмкіндік алды. Сонымен қатар, 9-сынып оқушыларының ағылшын тілі сабағына қатысып, білім алушылардың шет тілінде еркін сөйлеу дағдыларын дамытатын "Speaking Club" жобасының жұмыс барысын бақылап көрді.

Мұндай халықаралық кездесулер білім беру саласындағы озық тәжірибені бөлісуге, мәдениетаралық қарым-қатынасты нығайтуға және білім алушылар мен ұстаздардың кәсіби дамуына үлкен серпін беретіні сөзсіз.