СУДЫ ҮНЕМДЕ – БОЛАШАҚТЫ САҚТА!

18 сәуір күні, заманымыздың ең өзекті тақырыптарының бірі – су ресурстарын сақтауға арналған маңызды және өзекті іс-шара, «Суды үнемде – болашақты сақта!» тақырыбында эко-сабақ өтті. Бұл жоба жас ұрпақтың бойында экологиялық хабардарлықты және суды үнемдеп, ұқыпты пайдалану жауапкершілігін арттыруға бағытталған.

Жоба Қазақстан Республикасы Су ресурстары және ирригация министрлігі «Су ресурстарының ақпараттық-талдау орталығының» КЕАҚ, Қазақстан Республикасы Оқу-ағарту Министрлігінің Қосымша білім берудің Республикалық оқу-әдістемелік орталығының және білім басқармасының қолдауымен жүзеге асқалы отыр.

Іс-шараның арнайы қонақтары:

1. Қазақстан Республикасы Су ресурстары және ирригация министрлігінің «Стратегиялық даму департаментінің» директоры Құрман Ғалым Полатұлы.

2. Арал-Сырдария бассейндік инспекциясының Шымкент қаласы бөлімі басшысының м.а. Қалдыбеков Бақберген Эрпулатұлы. 

Іс-шара Мемлекеттік Әнұранды орындаумен басталып, іс-шара модераторы мектеп директоры Кайыпов Алмас Серікұлының сәлемдесуі мен кіріспе сөзімен жалғасты. Су-табиғаттың баға жетпес сыйы, дегенмен, оның қорлары шексіз емес және әр адамның міндеті – суды ақылмен және жауапкершілікпен пайдалануды үйрену керектігіне басты назар аударған мектеп басшысы сөз кезегін қонақтарға берді. 

Ғалым Полатұлы, өз сөзінде, Қазақстандағы су ресурстарының жағдайына тоқталып, Елімізде су тапшылығын болдырмау үшін оны тиімді пайдалану керектігін, әрқайсымыз бағалы ресурсты сақтауға өз үлесімізді қоса алатындығымызды, күнделікті өмірде, өндірісте, ауыл шаруашылығында суды үнемдеуді үйренсек, еліміздегі су дағдарысының алдын алуға болатындығын айтты.  

Іс-шараға 10-11 сынып оқушылары қатысып, олардың назарына суды үнемдеудің маңыздылығы туралы бейнеролик көрсетілді. Сабақтың  интерактивті бөлімінде сұрақ-жауапқа уақыт беріліп, соңында естелікке суретке түсіп, жылы лебіздер айтылды.