«Абайды бірге оқимыз!»

«Абайды  бірге оқимыз!»   жобасы аясында атқарылатын іс-шаралардың жұмыс жоспарына сай  9-сынып  пен 10-сынып оқушылары арасында  «Абай және мен» интерактивті викториналық сұрақ-жауап ойыны өткізілді. 

Ұлы ақынның өнегелі өмірі мен шығармашылығын насихаттау; ұлы ойшылдың идеяларын ұрпаққа  үлгі ету, мәдени, рухани деңгейін көтеру; топтық жұмыс арқылы оқушылардың мотивациясын арттыру, бәсекеге қабілеттілігін дамыту мақсатын көзделді. Білім алушылардың бойында ақыл мен парасатты, адалдық пен еңбекқорлықты, шыншылдық пен әділдікті қалыптастыру,   дүниетанымын кеңейту, есте сақтау, шығармашылық қабілеттерін дамыту, жүйелі сөйлеу мәдениетін қалыптастыруда мұндай шаралардың маңызы зор.

«Абай және мен» интерактивті викториналық сұрақ-жауап ойыны бірнеше кезеңдерден тұрды:

 Бірінші «Абай әлемі» атты кезеңде топтың барлық қатысушылары тест сұрақтарына Socrative  платформасы арқылы жеке-жеке  жауап берді. Нәтижесінде барлық топ мүшелерінің дұрыс жауаптарын қоса есептеп, орта балл шығарылды.

Екінші  «Ғылым таппай мақтанба»  кезеңінде Абай өлеңдерінен үзінділер табады. Яғни өлеңнің екі тармағы  ұяшықтарға жасырылып, топ мүшелері ұяшықтағы сандарды таңдау арқылы берілген тармақтарға сай  шумақты толықтырды, әр дұрыс жауап 5 балмен бағаланды.

Үшінші   «Толғауы тоқсан қызыл тіл» атты кезеңде ақынның «Сегіз аяқ» өлеңін тізбектен шықпай мәнерлеп айта отырып, жалғастырды.

Төртінші  «Абай сөзі – қазақтың бойтұмары» кезеңінде Абай қара сөздерінен үзінділер ұяшықтарға жасырылып, топ мүшелері ұяшықтағы сандарды таңдау арқылы берілген үзіндіні оқып, қай қара сөзі екенін тапты. Бұл қасиетті қара сөздерден ғибрат алып қана қоймай, өмірлік нұсқау аламыз, өйткені қара сөздер кез келгенімізге өмірлік бағыт бағдар беретін шамшырақ секілді, сондықтан қиналмай жауап берген сайыскерлер әр дұрыс жауап үшін 5 балмен бағаланады.

Бесінші  «Талаптың мініп тұлпарын» кезеңінде  топ басшылары жекпе-жекке шығып, біліммен күш сынасты. Ойланбастан бірден жауап берген әр дұрыс жауабы үшін 1 балмен бағаланады.

Алтыншы «Абай айтқан асылдар» кезеңінде сайыскерлеріміз  ақынның ел ішінде нақылға айналған афоризмдерінің  жалғасын тапты, әр дұрыс жауап 5 балмен бағаланады.

Ойын шарттары ретімен  интерактивті тақтадан жарияланып, сайыс нәтижесі де бірден шығарылды. Мұның өзі білім алушыларды тапқырлық пен ойлылыққа баулудағы ұйымдастырушылардың оқытудың инновациялық технологияларын молынан қолдану арқылы заман талабына сай ізденімпаздығының нәтижесі екені айқын. Сайыс тартымды да танымды, таласқа толы болды. Білім алушылардың білуге құмарлығы мен жігерлілігі ұлы Абайдың ұлтымен мәңгіге бірге екенін білдірмек. 

Көп адам дүниеге бой алдырған,

Бой алдырып, аяғын көп шалдырған,

Өлді деуге бола ма, ойлаңдаршы,

Өлмейтұғын артына сөз қалдырған, - деп, төрелігін өзі шешкен Абай бүгін жарқын бейнесімен де, жалынды жырымен де бізбен бірге 180 жыл бойы өмір сүріп келеді, және білімге құштар ұрпақтары болғанда одан әрі де мәңгі өмір сүре бермек! 

Осындай танымдық іс-шараны жоғары деңгейде ұйымдастырған қазақ тілі мен әдебиеті кафедрасына, белсенді қатынасқан 9-10-сынып оқушыларына, сайыс жүргізушілері 8-сынып оқушылары - Жасұзақ Нұраят пен Нұралы Айзереге, Керімбаева Айгүл және Шаметова Нүркеш ұстаздарға алғысымыз шексіз. Өзгеріске бейім өмірге икемді, бәсекеге қабілетті ұрпақ тәрбиелеу жолындағы ізденістеріңіз табысты бол

сын.